کوئی امید بر نہیں آتیکوئی صورت نظر نہیں آتی
موت کا ایک دن معین ہےنیند کیوں رات بھر نہیں آتی
آگے آتی تھی حال دل پہ ہنسیاب کسی بات پر نہیں آتی
جانتا ہوں ثواب طاعت و زہدپر طبیعت ادھر نہیں آتی
ہے کچھ ایسی ہی بات جو چپ ہوںورنہ کیا بات کر نہیں آتی
کیوں نہ چیخوں کہ یاد کرتے ہیںمیری آواز گر نہیں آتی
داغ دل گر نظر نہیں آتابو بھی اے چارہ گر نہیں آتی
ہم وہاں ہیں جہاں سے ہم کو بھیکچھ ہماری خبر نہیں آتی
مرتے ہیں آرزو میں مرنے کیموت آتی ہے پر نہیں آتی
کعبہ کس منہ سے جاوگے غالبؔشرم تم کو مگر نہیں آتی
— مرزا غالب
Koi umeed bar nahin aatiKoi soorat nazar nahin aati
Maut ka ek din muayyan haiNeend kyun raat bhar nahin aati
Aage aati thi haal-e-dil pe hansiAb kisi baat par nahin aati
Janta hoon sawab-e-taat-o-zuhdPar tabiyat udhar nahin aati
Hai kuch aisi hi baat jo chup hoonWarna kya baat kar nahin aati
Kyun na cheekhoon ke yaad karte hainMeri awaaz gar nahin aati
Daagh-e-dil gar nazar nahin aataBoo bhi ae chara-gar nahin aati
Hum wahan hain jahan se hum ko bhiKuch hamari khabar nahin aati
Marte hain aarzoo mein marne kiMaut aati hai par nahin aati
Kaaba kis munh se jaoge GhalibSharm tum ko magar nahin aati