لازم تھا کہ دیکھو مرا رستا کوئی دن اورتنہا گئے کیوں اب رہو تنہا کوئی دن اور
مٹ جائے گا سر گر ترا پتھر نہ گھسے گاہوں در پہ ترے ناصیہ فرسا کوئی دن اور
آئے ہو کل اور آج ہی کہتے ہو کہ جاؤںمانا کہ ہمیشہ نہیں اچھا کوئی دن اور
جاتے ہوئے کہتے ہو قیامت کو ملیں گےکیا خوب قیامت کا ہے گویا کوئی دن اور
ہاں اے فلک پیر جواں تھا ابھی عارفکیا تیرا بگڑتا جو نہ مرتا کوئی دن اور
تم ماہ شب چار دہم تھے مرے گھر کےپھر کیوں نہ رہا گھر کا وہ نقشا کوئی دن اور
تم کون سے تھے ایسے کھرے داد و ستد کےکرتا ملک الموت تقاضا کوئی دن اور
مجھ سے تمہیں نفرت سہی نیر سے لڑائیبچوں کا بھی دیکھا نہ تماشا کوئی دن اور
گزری نہ بہ ہر حال یہ مدت خوش و نا خوشکرنا تھا جواں مرگ گزارا کوئی دن اور
ناداں ہو جو کہتے ہو کہ کیوں جیتے ہیں غالبؔقسمت میں ہے مرنے کی تمنا کوئی دن اور
— مرزا غالب
Lazim tha ke dekho mera rasta koi din aurTanha gaye kyun ab raho tanha koi din aur
Mit jaayega sar gar tera patthar na ghise gaHoon dar pe tere nasiya-farsa koi din aur
Aaye ho kal aur aaj hi kehte ho ke jaaunMana ke hamesha nahin achha koi din aur
Jaate hue kehte ho qayamat ko milengeKya khoob qayamat ka hai goya koi din aur
Haan ae falak-e-peer jawaan tha abhi AarfKya tera bigadta jo na marta koi din aur
Tum mah-e-shab-e-chahar-daham the mere ghar kePhir kyun na raha ghar ka woh naqsha koi din aur
Tum kaun se the aise khare dad-o-sitad keKarta malak-ul-maut taqaza koi din aur
Mujh se tumhein nafrat sahi ghair se ladaiBachon ka bhi dekha na tamasha koi din aur
Guzri na ba-har-haal yeh muddat khush-o-na-khushKarna tha jo aan-marg guzara koi din aur
Nadaan ho jo kehte ho ke kyun jeete hain GhalibQismat mein hai marne ki tamanna koi din aur