نقش فریادی ہے کس کی شوخیٔ تحریر کاکاغذی ہے پیرہن ہر پیکر تصویر کا
کاو کاو سخت جانی ہائے تنہائی نہ پوچھصبح کرنا شام کا لانا ہے جوئے شیر کا
جذبۂ بے اختیار شوق دیکھا چاہیےسینۂ شمشیر سے باہر ہے دم شمشیر کا
آگہی دام شنیدن جس قدر چاہے بچھائےمدعا عنقا ہے اپنے عالم تقریر کا
بسکہ ہوں غالبؔ اسیری میں بھی آتش زیر پاموئے آتش دیدہ ہے حلقہ مری زنجیر کا
آتشیں پا ہوں گداز وحشت زنداں نہ پوچھموئے آتش دیدہ ہے ہر حلقہ یاں زنجیر کا
شوخیٔ نیرنگ صید وحشت طاؤس ہےدام سبزہ میں ہے پرواز چمن تسخیر کا
لذت ایجاد ناز افسون عرض ذوق قتلنعل آتش میں ہے تیغ یار سے نخچیر کا
خشت پشت دست عجز و قالب آغوش وداعپر ہوا ہے سیل سے پیمانہ کس تعمیر کا
وحشت خواب عدم شور تماشا ہے اسدؔجو مزہ جوہر نہیں آئینۂ تعبیر کا
— مرزا غالب
Naqsh-e-faryaadī hai kis kī shokhii-e-tahriir kaKaaghazī hai pairahan har paikar-e-tasvīr ka
Kaav-kaav-e-sakht-jaanī-haaye-tanhaa.ii na puuchhSubh karnaa shaam ka laanaa hai juu-e-shīr ka
Jazba-e-be-ikhtiyaar-e-shauq dekhaa chaahiyeSiina-e-shamshīr se baahar hai dam-e-shamshīr ka
Aagahī daam-e-shunīdan jis qadar chaahe bichhaayeMudda.aa anqaa hai apne aalam-e-taqriir ka
Bas-ke huu.n Ghalib asīrī me.n bhii aatish-e-zer-e-paaMu-e-aatish-diida hai halqa merī za.njiir ka
Aatishī.n-paa huu.n gudaz-e-wahshat-e-zindaa.n na puuchhMu-e-aatish-diida hai har halqa yahaa.n za.njiir ka
Shokhii-e-nairang-e-said-e-wahshat-e-taaus haiDaam-e-sabza me.n hai parwaaz-e-chaman-e-tashīr ka
Lazzat-e-iijaad-e-naaz afsoo.n-e-arz-e-zauq-e-qatlNa.al-e-aatish me.n hai tegh-e-yaar se nakhchiir ka
Khisht-e-pusht-e-dast-e-ajz-o-qaalib-e-aaghosh-e-widaa.aPur hu.aa hai sail se paimaana kis ta.amīr ka
Wahshat-e-khwaab-e-adam shor-e-tamaasha hai AsadJo mazaa jauhar nahī.n aa.iina-e-ta.abīr ka