12 اشعار

نقش ناز بت طناز بہ آغوش رقیب

Naqsh-e-naaz-e-but-e-tanaaz ba-aaghosh-e-raqīb

مرزا غالب
نقش ناز بت طناز بہ آغوش رقیب

«نقش ناز بت طناز بہ آغوش رقیب» مرزا غالب کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 1 منٹ 37 سیکنڈ ہے۔

نقش ناز بت طناز بہ آغوش رقیبپاۓ طاؤس پئے خامۂ مانی مانگے

تو وہ بد خو کہ تحیر کو تماشا جانےغم وہ افسانہ کہ آشفتہ بیانی مانگے

وہ تپ عشق تمنا ہے کہ پھر صورت شمعشعلہ تا نبض جگر ریشہ داوانی مانگے

تشنۂ خون تماشا جو وہ پانی مانگےآئنہ رخصت انداز روانی مانگے

رنگ نے گل سے دم عرض پریشانیٔ بزمبرگ گل ریزۂ مینا کی نشانی مانگے

زلف تحریر پریشان تقاضا ہے مگرشانہ ساں مو بہ زباں خامۂ مانی مانگے

آمد خط سے نہ کر خندۂ شیریں کہ مبادچشم مور آئینۂ دل نگرانی مانگے

ہوں گرفتار کمیں گاہ تغافل کہ جہاںخواب صیاد سے پرواز گرانی مانگے

چشم پرواز و نفس خفتہ مگر ضعف امیدشہپر کاہ پئے مژدہ رسانی مانگے

وحشت شور تماشا ہے کہ جوں نکہت گلنمک زخم جگر بال فشانی مانگے

گر ملے ؔحضرت بیدل کا خط لوح مزاراسدؔ آئینۂ پرواز معانی مانگے

رنگ نے گل سے دم عرض پریشانیٔ بزمبرگ گل ریزۂ مینا کی نشانی مانگے

— مرزا غالب