جب درد پرانے ہو بیٹھےجب یاد کا جگنو راکھ ہوا
جب آنکھ میں آنسو برف ہوئےجب زخم سے دل مانوس ہوا
تب مجھ پہ کھلا میں زندہ ہوںپھر دل کو دھڑکنا یاد آیا !
جب کرب کی لمبی راہوں میںاحساس کے بال سفید ہوئے
جب آنکھیں بے سیلاب ہوئیںجب چاند چڑھا بے دردی کا
جب ریت پہ لکھی یادوں کوبے مہر ہوا نے چھین لیا
جب 'یاد رتیں' بے داد ہوئیںتب مجھ پہ کھلا میں زندہ ہوں
پھر دل کو دھڑکنا یاد آیاجب آنکھیں کچھ آباد ہوئیں
جب مجھ پہ کھلا میں زندہ ہوںاحساس کا بچپن جاگ پڑا
پھر جذبے بے تقویم ہوئے!پھر وقت نے کچھ انگڑائی لی
پھر سوچ کی قبر سےدھول اڑیپھر پیاس کا برزخ بھول گیا
ایک ہجر سےکیا آزاد ہوئے؟سو ہجر نئے ایجاد ہوئے!
پھر اشک میں دریا قید ہواپھر دھڑکن میں بھونچال پڑے
پھر عشق کاجوگی گلیوں میںتقدیر کے سانپ اٹھا لایا
پھر ہوش کا جنگل سبز ہواپھر شوق درینہ جاگ اٹھا
پھر زلف کے تیور شام بنےاس شام میں پھرمہتاب چڑھا
پھر ہونٹ کی لرزش گیت بنیپھر شعر، شعور کا ورد ہوا
پھر خون سے لکھے جذبے بھی نیلام ہوئےپھر درد "زلیخا "بن بیٹھا
پھر قرب کا کرب جوان ہواپھر مجھ پہ کھلا میں زندہ ہوں
کچھ ہجر کی نبضیں تیز ہوئیںجب قید کو تازہ عمر ملی
اس قیدی عمر کے بختوں نےاک شامِ سہور سے پوچھ لیا
قید ہی رہنا تھا تو ہمیںوہ پچھلا ہجر ہی کافی تھا
کیوں پچھلے جال کو چھوڑا تھاکس عھد پہ پنجرہ توڑا تھا؟
جب جال تیری کمزوری تھےصیّاد کو کیوں بدنام کیا
اب سوچ رہا ہوں مدّت سےکیوں مجھ پہ کھلا میں زندہ ہوں؟
کیوں دل کو دھڑکنا یاد آیا
— نا معلوم
Jab dard puraane ho baitheJab yaad ka jugnu raakh hua
Jab aankh mein aansu barf hueJab zakhm se dil maanus hua
Tab mujh pe khula main zinda hoonPhir dil ko dhaṛakna yaad aaya !
Jab karb ki lambi raahon meinEhsaas ke baal safed hue
Jab aankhein be-sailaab hueenJab chaand chaṛha be-dardi ka
Jab ret pe likhi yaadon koBe-mehr hawa ne chheen liya
Jab 'yaad ratein' be-daad hueenTab mujh pe khula main zinda hoon
Phir dil ko dhaṛakna yaad aayaJab aankhein kuch aabaad hueen
Jab mujh pe khula main zinda hoonEhsaas ka bachpan jaag paṛa
Phir jazbe be-taqveem hue!Phir waqt ne kuch angṛaai li
Phir soch ki qabr se dhool uṛiPhir pyaas ka barzakh bhool gaya
Ek hijr se kya azaad hue?Sau hijr naye ijaad hue!
Phir ashk mein darya qaid huaPhir dhaṛkan mein bhoonchaal paṛe
Phir ishq ka jogi galiyon meinTaqdeer ke saanp uṭha laaya
Phir hosh ka jangal sabz huaPhir shauq-e-dareena jaag uṭha
Phir zulf ke tewar shaam baneUs shaam mein phir mehtaab chaṛha
Phir honṭ ki larzish geet baniPhir sher, shaoor ka wird hua
Phir khoon se likhe jazbe bhi neelaam huePhir dard "Zulaikha" ban baitha
Phir qurb ka karb jawaan huaPhir mujh pe khula main zinda hoon
Kuch hijr ki nabzein tez hueenJab qaid ko taaza umr mili
Us qaidi umr ke bakhton neIk shaam-e-sehoor se pooch liya
Qaid hi rehna tha to humeinWoh pichhla hijr hi kaafi tha
Kyun pichhle jaal ko chhoṛa thaKis ahd pe pinjra toṛa tha?
Jab jaal teri kamzori theSayyad ko kyun badnaam kiya
Ab soch raha hoon muddat seKyun mujh pe khula main zinda hoon?
Kyun dil ko dhaṛakna yaad aaya