جو چپ رہوں تو بتائیں وہ گھنگنیاں منہ میںجو کچھ کہوں تو کہیں قینچی ہے زباں منہ میں
یہ ایک بات ہے قاصد جو بھیجتا ہوں تجھےوگرنہ دل میں جو ان کے ہے وہ یہاں منہ میں
زمیں کا کر دیا پیوند ہم کو اے ظالم!نہ اب بھی خاک پڑے تیرے آسماں منہ میں
نہ کان رکھ کے کسی نے سنی ہزار افسوستمام عمر رہی غم کی داستاں منہ میں
وہ ایسے بگڑے ہوئے ہیں کہ دانت پیستے ہیںہم ایسے چپ ہیں کہ گویا نہیں زباں منہ میں
یہ بات کیا ہے جو ہونٹوں میں بڑبڑاتے ہوکہو نہ شوق سے جو آئے میری جاں منہ میں
ڈرو اثر سے خدا جانے کیا ہو کیا کچھ ہوگھٹا ہوا ہے ابھی آہ کا دھواں منہ میں
کبھی گرانے نہ دو آنسو حال پر میرےلو آؤ پانی تو ٹپکاؤ میری جاں منہ میں
زبان پر ہے یہ کس کس کی تذکرہ اپناپڑی ہے بات نہ میری کہاں کہاں منہ میں
پھر ایسے وعدے سے تسکیں ہو کس طرح میری''نہیں'' ہے دل میں تمہارے اگر ہے ''ہاں'' منہ میں
اسی کا دھیان ہے جب تک کہ تن میں جاں ہے نظامؔاسی کا ذکر ہے جب تک کہ ہے زباں منہ میں
— نظام رامپوری
Jo chup rahun to batayen woh ghunghaniyan munh meinJo kuch kahun to kahen qainchi hai zaban munh mein
Yeh ek baat hai qasid jo bhejta hun tujheWagarna dil mein jo unke hai woh yahan munh mein
Zamin ka kar diya paiwand hum ko ae zalim!Na ab bhi khak paren tere asman munh mein
Na kan rakh ke kisi ne suni hazar afsosTamam umar rahi gham ki dastan munh mein
Woh aise bigre hue hain ke dant peste hainHum aise chup hain ke goya nahin zaban munh mein
Yeh baat kya hai jo honthon mein barbaratay hoKaho na shauq se jo aaye meri jaan munh mein
Daro asar se khuda jane kya ho kya kuch hoGhata hua hai abhi aah ka dhuan munh mein
Kabhi girane na do aansu haal par mereLo aao pani to tapkao meri jaan munh mein
Zaban par hai yeh kis kis ki tazkira apnaPari hai baat na meri kahan kahan munh mein
Phir aise waade se taskin ho kis tarah meri''Nahin'' hai dil mein tumhare agar hai ''haan'' munh mein
Usi ka dhyan hai jab tak ke tan mein jaan hai NizamUsi ka zikr hai jab tak ke hai zaban munh mein
فرہنگ
تشریح
اس غزل میں شاعر اپنے محبوب کی بے رخی اور اپنی بے بسی کا بیان کرتا ہے۔ وہ کہتا ہے کہ چپ رہے تو طعنے ملتے ہیں اور بولے تو زبان کاٹ دی جاتی ہے، یعنی دونوں صورتوں میں اس کی بات سنی نہیں جاتی۔ لہجہ شکوے اور دلی دکھ کا ہے، جس میں محبوب کے ظلم اور وعدوں کی جھوٹی تسلی پر طنز بھی شامل ہے۔ مقطع میں شاعر کہتا ہے کہ جب تک جان ہے اور زبان پر ذکر ہے، اسی کا دھیان اور اسی کا تذکرہ رہے گا۔