خیر یوں ہی سہی تسکیں ہو کہیں تھوڑی سی''ہاں'' تو کہتے ہو مگر ساتھ ''نہیں'' تھوڑی سی
حال دل سن کے مرا برسر رحمت تو ہیں کچھابھی باقی ہے مگر چین جبیں تھوڑی سی
ہوئی جاتی ہے سحر ایسا بھی گھبرانا کیارات گر ہے بھی تو اے ماہ جبیں تھوڑی سی
جام مے دیکھ کے لبریز کس انداز کے ساتھاس کا کہنا کہ نہیں، اتنی نہیں، تھوڑی سی
بے خودی یہ دم رخصت تھی کہ سب کچھ بھولاان کی باتیں بھی مجھے یاد رہیں تھوڑی سی
اب یہ پیغام کسی کا کوئی لے کر جائےابھی لب پر ہے مرے جان حزیں تھوڑی سی
یوں تو تم روز ہی کہتے ہو سبھی کچھ مجھ سےآج کی بات ہوئی ذہن نشیں تھوڑی سی
ان سے کچھ کہہ نہ سکا میں شب غم کی باتیںگو کہ بھولا تھا مگر یاد بھی تھیں تھوڑی سی
بوسہ تو اس لب شیریں سے کہاں ملتا ہےگالیاں بھی ملیں ہم کو تو ملیں تھوڑی سی
اب تو سب کا ترے کوچے ہی میں مسکن ٹھہرایہی آباد ہے دنیا میں زمیں تھوڑی سی
اٹھے جاتے ہیں ہمیں آپ نہ بیٹھیں خاموشآپ کی بات سمجھتے ہیں ہمیں تھوڑی سی
یاد کچھ آ کے یہ حالت ہوئی میری کہ نہ پوچھپچھلی گھڑیاں شب غم کی جو رہیں تھوڑی سی
صبح تک شام سے وہ گو کہ رہے پاس مرےحسرتیں دل کی مگر رہ ہی گئیں تھوڑی سی
کوستے کیا ہو ابھی ہوتے ہیں ہم شادیٔ مرگگر ملے دفن کو کوچے میں زمیں تھوڑی سی
سب مرا حال وہاں کیسے کہے گا قاصد!تو تو سنتا ہے مری بات نہیں تھوڑی سی
دولت فقر سے سب ہو گئی تسکین نظامؔاب کریں کیا طلب تاج و نگیں تھوڑی سی
— نظام رامپوری
Khair yoon hi sahi taskeen ho kahin thori si"Haan" to kehte ho magar saath "nahin" thori si
Hal-e-dil sun ke mera bar-e-rehmat to hain kuchAbhi baqi hai magar chain-e-jabeen thori si
Hoi jaati hai sehar aisa bhi ghabrana kyaRaat gar hai bhi to ae mah-e-jabeen thori si
Jaam-e-mai dekh ke labrez kis andaz ke saathUs ka kehna ke nahin, itni nahin, thori si
Be-khudi yeh dam-e-rukhsat thi ke sab kuch bhoolaUn ki baatein bhi mujhe yaad rahein thori si
Ab yeh paigham kisi ka koi le kar jayeAbhi lab par hai mere jaan-e-hazeen thori si
Yoon to tum roz hi kehte ho sabhi kuch mujh seAaj ki baat hoi zehn-e-nasheen thori si
Un se kuch keh na saka main shab-e-gham ki baateinGo ke bhoola tha magar yaad bhi thin thori si
Bosa to us lab-e-shireen se kahan milta haiGaliyan bhi milin hum ko to milin thori si
Ab to sab ka tere kooche hi mein maskan thehraYahi aabad hai duniya mein zameen thori si
Uthe jaate hain hamein aap na baithen khamoshAap ki baat samajhte hain hamein thori si
Yaad kuch aa ke yeh haalat hui meri ke na poochhPichhli ghariyan shab-e-gham ki jo rahin thori si
Subh tak sham se woh go ke rahe paas mereHasratein dil ki magar reh hi gayin thori si
Kosate kya ho abhi hote hain hum shadi-e-margGar mile dafn ko kooche mein zameen thori si
Sab mera haal wahan kaise kahe ga qasid!To to sunta hai meri baat nahin thori si
Daulat-e-faqr se sab ho gayi taskeen Nizam!Ab karein kya talab taaj-o-nageen thori si
فرہنگ
تشریح
اس غزل میں عاشق اپنی محبوب سے تھوڑی سی تسکین، تھوڑی سی توجہ اور تھوڑی سی قربت کی آرزو کا اظہار کرتا ہے۔ لہجہ شکایت، نرم گلہ اور مسکراتی ہوئی بے تکلفی کا ہے۔ مثلاً "ہاں تو کہتے ہو مگر ساتھ نہیں تھوڑی سی" میں محبوب کے ہاں اور نہیں کے ملے جلے رویے کا بیان ہے، جبکہ "گالیاں بھی ملیں ہم کو تو ملیں تھوڑی سی" میں عاشق محبوب کی ہر بات کو غنیمت سمجھتا ہے۔ آخری شعر میں شاعر دولت فقر کو تاج و نگیں پر ترجیح دیتا ہے۔