شب تو وہ یاں سے روٹھ کے گھر جا کے سو رہےہم تنگ آ کے جان سے کچھ کھا کے سو رہے
پہلے تو کچھ وہ آتے ہی شرما کے سو رہےپھر لطف اٹھے جو ہم انہیں چونکا کے سو رہے
کیا میں شب وصال میں گھڑیاں گنا کروںکروٹ بدل کے کیوں مجھے چونکا کے سو رہے
اپنی کہی نہ میری سنی شام ہی سے وہسینہ چھپا کے ہاتھوں سے شرما کے سو رہے
کچھ میری جاں کنی کا نہ آیا تمہیں خیالمجھ کو نہ ساتھ سونے کو فرما کے سو رہے
ہم بیٹھے آنکھیں دیکھتے ہیں منہ کو تکتے ہیںباتوں میں وہ تو ٹال کے بہلا کے سو رہے
مجھ کو اٹھا کے نیچی نگاہوں سے دیکھ کرکچھ دل میں سوچ سوچ کے پچھتا کے سو رہے
ان سے شب وصال میں حجت جو بڑھ گئیکچھ دل میں سوچ سوچ کے پچھتا کے سو رہے
ہم کیوں بتائیں ہم نے بھی کی صبح جس طرحشب تم تو جاگنے کی قسم کھا کے سو رہے
اے بخت خفتہ! اتنی ہی تاثیر تو دکھااس کی گلی میں پاؤں مرا جا کے سو رہے
تا صبح مجھ کو مارے خوشی کے نہ آئی نینداک ایسی بات وہ مجھے سمجھا کے سو رہے
اے دل یہ کیا ہوا تری باتوں نے کیا کیامنہ پھیر کے ادھر کو وہ تنگ آ کے سو رہے
سوتوں میں جان ڈال کے انگڑائیاں نہ لوجاگے ہوئے ہو شب کے جو یاں آ کے سو رہے
اک دم کو چونکوں شوق سے پھر سوؤں صبح تکاس بات کو زبان ہی پر لا کے سو رہے
یہ چھیڑ دیکھو میرے نہ سونے کے واسطےانداز اک نیا مجھے دکھلا کے سو رہے
امید خواب میں بھی نہ یوں دیکھنے کی تھیجس پیار سے وہ شب مجھے لپٹا کے سو رہے
چھوڑا ہے میں نے رات نہ گھر جانے کو انہیںجب کچھ نہ بس چلا تو وہ جھنجھلا کے سو رہے
میں سونے دوں گا آپ کو کب چین سے بھلاہے یہ تو خوب تم مجھے پھسلا کے سو رہے
اچھا میں پاؤں دابوں پہ تم جاگتے رہویوں کون مانے ہے مجھے بہلا کے سو رہے
کیا سونے جاگنے کا نہیں ہم کو امتیازکروٹ بدل کے آپ جو مچلا کے سو رہے
ہے کون سی وہ شب جو سحر تک نہ جاگے ہمکس دن نہ آپ غیر کے گھر جا کے سو رہے
ہے بخت خفتہ اور شب تنہائی اور ہمجاگیں نصیب ساتھ جو وہ آ کے سو رہے
منظور تھا گھٹانا جو عشرت کی رات کاچوٹی وہ اپنی مجھ سے ہی بندھوا کے سو رہے
فرقت کی شب میں جاگنے سے فائدہ نظامؔبہتر ہے اس سے گر کوئی کچھ کھا کے سو رہے
— نظام رامپوری
Shab to woh yaan se rootth ke ghar ja ke so raheHum tang aa ke jaan se kuch kha ke so rahe
Pehle to kuch woh aate hi sharma ke so rahePhir lutf uthe jo hum unhen chonka ke so rahe
Kya main shab-e-visaal mein ghariyan ginaa karoonKarwat badal ke kyon mujhe chonka ke so rahe
Apni kahi na meri suni shaam hi se wohSeena chhupa ke haathon se sharma ke so rahe
Kuch meri jaan-kani ka na aaya tumhein khayaalMujh ko na saath sone ko farma ke so rahe
Hum baithe aankhen dekhte hain munh ko takte hainBaaton mein woh to taal ke behla ke so rahe
Mujh ko utha ke neechi nigaahon se dekh karKuch dil mein soch soch ke pachhta ke so rahe
Unse shab-e-visaal mein hujjat jo badh gayiKuch dil mein soch soch ke pachhta ke so rahe
Hum kyon batayen hum ne bhi ki subh jis tarahShab tum to jaagne ki qasam kha ke so rahe
Ay bakht-e-khuftah! itni hi taaseer to dikhaUs ki gali mein paaon mera ja ke so rahe
Taa subh mujh ko maare khushi ke na aayi neendEk aisi baat woh mujhe samjha ke so rahe
Ay dil yeh kya hua teri baaton ne kya kiyaMunh pher ke udhar ko woh tang aa ke so rahe
Sooton mein jaan daal ke angdaiyaan na loJaage hue ho shab ke jo yaan aa ke so rahe
Ek dam ko chonkoon shauq se phir soon subh takIs baat ko zabaan hi par la ke so rahe
Yeh chhed dekho mere na sone ke waasteAndaaz ek naya mujhe dikhla ke so rahe
Umeed khwaab mein bhi na yoon dekhne ki thiJis pyaar se woh shab mujhe lipta ke so rahe
Chhoda hai main ne raat na ghar jaane ko unhenJab kuch na bas chala to woh jhanjhla ke so rahe
Main sone doonga aap ko kab chain se bhalaHai yeh to khoob tum mujhe phisla ke so rahe
Acha main paaon daabon pe tum jaagte rahoYoon kaun maane hai mujhe behla ke so rahe
Kya sone jaagne ka nahin hum ko imtiyazKarwat badal ke aap jo machla ke so rahe
Hai kaun si woh shab jo sahar tak na jaage humKis din na aap ghair ke ghar ja ke so rahe
Hai bakht-e-khuftah aur shab-e-tanhaai aur humJaagein naseeb saath jo woh aa ke so rahe
Manzoor tha ghataana jo ishrat ki raat kaChoti woh apni mujh se hi bandhwa ke so rahe
Furqat ki shab mein jaagne se faaida NizaamBehtar hai is se gar koi kuch kha ke so rahe
فرہنگ
تشریح
اس غزل میں محبوب کے روٹھنے، شرمانے اور وصل کی رات میں ناز و انداز سے سو جانے کا بیان ہے۔ شاعر کا لہجہ شوخ اور شکایتی ہے، جس میں وصل کی رات کی بے تابی اور محبوب کی بے نیازی ایک ساتھ جھلکتی ہے۔ ایک شعر میں شاعر کہتا ہے کہ ہم تنگ آ کر جان سے کچھ کھا کے سو رہے، یعنی بے بسی کے عالم میں سو جانے کا ذکر ہے۔ آخری شعر میں شاعر جدائی کی رات کے جاگنے پر ہلکے طنز کے ساتھ نصیحت کرتا ہے۔