آپ جن کے قریب ہوتے ہیںوہ بڑے خوش نصیب ہوتے ہیں
جب طبیعت کسی پر آتی ہےموت کے دن قریب ہوتے ہیں
مجھ سے ملنا پھر آپ کا ملناآپ کس کو نصیب ہوتے ہیں
ظلم سہہ کر جو اف نہیں کرتےان کے دل بھی عجیب ہوتے ہیں
عشق میں اور کچھ نہیں ملتاسیکڑوں غم نصیب ہوتے ہیں
نوحؔ کی قدر کوئی کیا جانےکہیں ایسے ادیب ہوتے ہیں
— نوح ناروی
Aap jin ke qareeb hote hainWoh bade khosh naseeb hote hain
Jab tabiat kisi par aati haiMaut ke din qareeb hote hain
Mujh se milna phir aap ka milnaAap kis ko naseeb hote hain
Zulm seh kar jo uff nahin karteUn ke dil bhi ajeeb hote hain
Ishq mein aur kuch nahin miltaSaikron gham naseeb hote hain
Nooh ki qadr koi kya jaaneKahin aise adeeb hote hain
فرہنگ
تشریح
اس غزل میں شاعر نے محبوب کی قربت کو خوش نصیبی سے جوڑا ہے اور عشق میں ملنے والے دکھوں کا ذکر کیا ہے۔ لہجہ شکوہ آمیز اور دل گیر ہے۔ شاعر کہتا ہے کہ جو لوگ محبوب کے قریب ہوتے ہیں وہ بڑے خوش نصیب ہوتے ہیں، مگر عشق میں اکثر سیکڑوں غم ہی نصیب ہوتے ہیں۔ آخری شعر میں شاعر اپنی قدر نہ ہونے کا گلہ کرتا ہے۔
مقطع میں شاعر کا یہ شکوہ نمایاں ہے کہ اس کی قدر کوئی نہیں جانتا۔