بحر غم میں دل کا قرینہلاکھوں موجیں ایک سفینہ
ٹوٹا ہے دل شق ہے سینہدیکھ کر اس ظالم کا قرینہ
بھیگ گئی دنیائے محبتآیا تھا کچھ مجھ کو پسینہ
شاخیں پھوٹیں کلیاں چٹکیںآ پہنچا پھاگن کا مہینہ
حال بھی میرا آپ نہ پوچھیںاتنی رنجش اتنا کینہ
مر جانا تکمیل وفا میںہے معراج کا پہلا زینہ
میری گردن تیرا خنجرتیری برچھی میرا سینہ
برق بلا یا برق ادا ہودونوں کا ہے ایک قرینہ
کیا ہو سکوں اے بحر محبتساحل سے ہے دور سفینہ
جلتا ہوں تیری محفل میںجنت میں دوزخ کا قرینہ
ہجر کا عالم یاد ہے مجھ کواک اک دن ایک ایک مہینہ
موت کی سختی میں نے سمجھیماتھے پر نکلا جو پسینہ
شمع کے دم سے بزم منورکہنے کو مہمان شبینہ
کوئی جابر کوئی صابراک میرا اک ان کا قرینہ
ہل جاؤ بھی کھل کھیلو بھیاچھا دن اچھا ہے مہینہ
انہیں میرے دل سے امنگیںغرق کیا موجوں نے سفینہ
دل کو فغاں پہنچائے فلک تکنیچی چھت ہے اونچا زینہ
پھر اٹھا طوفان محبتنوحؔ کریں تیار سفینہ
— نوح ناروی
Bahr-e-gham mein dil ka qareenaLakhon maujein ek safeena
Toota hai dil shaq hai seenaDekh kar is zalim ka qareena
Bheeg gayi duniya-e-muhabbatAaya tha kuch mujh ko paseena
Shakhein phootin kaliyan chatkeinAa pahuncha phaagan ka mahina
Haal bhi mera aap na poochheinItni ranjish itna keena
Mar jana takmeel-e-wafa meinHai me'raj ka pehla zeena
Meri gardan tera khanjharTeri barchhi mera seena
Barq-e-bala ya barq-e-ada hoDonon ka hai ek qareena
Kya ho sakoon ae bahr-e-muhabbatSahil se hai door safeena
Jalta hoon teri mehfil meinJannat mein dozakh ka qareena
Hijr ka aalam yaad hai mujh koIk ik din ek ek mahina
Maut ki sakhti mein ne samjhiMaathe par nikla jo paseena
Shama ke dam se bazm munawwarKehne ko mehman-e-shabeena
Koi jabir koi sabirIk mera ik un ka qareena
Hil jao bhi khul khelo bhiAchha din achha hai mahina
Unhein mere dil se umangeinGharq kiya maujon ne safeena
Dil ko faghan pahunchaye falaq takNeechi chhat hai ooncha zeena
Phir utha toofan-e-muhabbatNuh karein tayyar safeena
فرہنگ
تشریح
اس غزل میں شاعر غم کے سمندر کو زندگی کے استعارے سے بیان کرتا ہے، جہاں دل ایک ڈوبتی ہوئی کشتی کی طرح ہے۔
محبوب کے ظلم اور ہجر کی سختی سے دل زخمی ہے، اور شاعر کا لہجہ شکوے اور درد سے بھرا ہوا ہے۔
ایک نمایاں شعر میں مرنے کو تکمیلِ وفا اور معراج کا پہلا زینہ کہا گیا ہے، یعنی عشق میں فنا ہونا بلندی کا ذریعہ ہے۔
آخری شعر میں محبت کا طوفان دوبارہ اٹھنے اور کشتی تیار کرنے کا ذکر ہے، جو نئی آزمائش کی طرف اشارہ ہے۔