عشق کے واسطے ہے دل کی آڑکوئی دیکھے یہ تل کی اوٹ پہاڑ
سرکشی وجہ افتخار نہیںقد میں شمشاد سے بڑا ہے تاڑ
ستیاناس ہو گیا دل کاعشق نے خوب کی اکھاڑ پچھاڑ
وہ خدا جانے گھر میں ہیں کہ نہیںکچھ کھلا اور کچھ ہے بند کواڑ
حسرتیں بعد مرگ جائیں کہاںدفن کر مجھ کو اور انہیں بھی گاڑ
ناتواں دل اٹھائے کیا غم عشقاک طرف رائی ایک سمت پہاڑ
میری تقدیر کا مرے دل کاان کے ہاتھوں میں ہے بناؤ بگاڑ
خاک میری بھی اس میں شامل ہےاپنے دامن سے گرد راہ نہ جھاڑ
مال و زر دے دیا حسینوں کورہ گیا گھر میں صرف کاٹھ کباڑ
کاش اٹھ جائے پردۂ ہستیمیرے اور اس کے بیچ میں ہے یہ آڑ
شعلۂ غم سے دل کا حال یہ ہےجیسے پہلو میں جل رہا ہو بھاڑ
چار دن وہ بناؤ رکھتے ہیںاور رکھتے ہیں آٹھ روز بگاڑ
وہ نہیں تو مری نگاہ میں ہےباغ ویران اور شہر اجاڑ
رخت ہستی کے ہو چکے ٹکڑےاے جنوں اب مرے کفن کو پھاڑ
نوحؔ طوفان ہجر الفت میںکوہ جودی کی ڈھونڈتے ہیں آڑ
— نوح ناروی
Ishq ke waaste hai dil ki aadKoi dekhe yeh til ki ot pahaad
Sarkashi wajh-e-iftikhaar nahinQad mein shamshaad se bada hai taad
Satyaanaas ho gaya dil kaIshq ne khoob ki ukhaad pachhaad
Woh khuda jaane ghar mein hain ke nahinKuch khula aur kuch hai band kawaad
Hasratein ba'ad-e-marg jaayein kahanDafn kar mujh ko aur inhein bhi gaad
Naatwaan dil uthaye kya gham-e-ishqEk taraf raai ek samt pahaad
Meri taqdeer ka mere dil kaUn ke haathon mein hai banao bigaad
Khaak meri bhi is mein shaamil haiApne daaman se gard-e-raah na jhaad
Maal-o-zar de diya haseenon koReh gaya ghar mein sirf kaath kabaad
Kaash uth jaaye parda-e-hastiMere aur is ke beech mein hai yeh aad
Sho'la-e-gham se dil ka haal yeh haiJaise pehlu mein jal raha ho bhaad
Chaar din woh banao rakhte hainAur rakhte hain aath roz bigaad
Woh nahin to meri nigaah mein haiBaagh weeran aur shahr ujaad
Rakht-e-hasti ke ho chuke tukdeAi junoon ab mere kafan ko phaad
Nooh toofan-e-hijr-e-ulfat meinKoh-e-Joodi ki dhoondte hain aad
فرہنگ
تشریح
اس غزل میں شاعر نے عشق کی شدت، ہجر کے دکھ اور دل کی بے بسی کو بیان کیا ہے۔ محبوب کی بے اعتنائی اور اپنی بے قراری کا ذکر بار بار آتا ہے، اور کئی جگہ گھر، باغ اور شہر جیسے الفاظ کے ذریعے دنیا سے بیزاری ظاہر کی گئی ہے۔ شاعر کا لہجہ شکایت آمیز اور پرسوز ہے۔ مثلاً آخری شعر میں طوفانِ ہجر کے مقابلے میں پناہ ڈھونڈنے کا ذکر ہے، جس سے اس کی ناامیدی اور بے کسی واضح ہوتی ہے۔ مجموعی طور پر کلام عشق کے ہاتھوں دل کی تباہی کا نوحہ ہے۔