واہ یہ لطف سوز الفت کس کی بدولت دل کی بدولتدوزخ بھی ہے مجھ کو جنت کس کی بدولت دل کی بدولت
دل میں ہے داغوں کی کثرت کس کی بدولت دل کی بدولتایسی دولت اتنی دولت کس کی بدولت دل کی بدولت
سب سے الفت سب کی حسرت کس کی بدولت دل کی بدولتڈاواں ڈول ہے میری نیت کس کی بدولت دل کی بدولت
پیش نظر رہتے ہیں باہم پھرتے ہیں آنکھوں میں ہر دمحسن کثرت نور وحدت کس کی بدولت دل کی بدولت
ان کو بھی ہے میرا سودا اور مجھے بھی سودا ان کاایک ہوئی دونوں کی صورت کس کی بدولت دل کی بدولت
دیکھ لیا کرتا ہوں اکثر یہ بھی عالم وہ بھی منظرشام فرقت صبح قیامت کس کی بدولت دل کی بدولت
کرتا ہوں میں اپنا ماتم آتی ہے الفت میں پیہمکس پر آفت مجھ پر آفت کس کی بدولت دل کی بدولت
میں جو نہ بزم ناز میں جاتا کیوں غمزہ مجھ کو تڑپاتاہنستے بولتے آ گئی شامت کس کی بدولت دل کی بدولت
اہل وفا نے مجھ کو جانا اہل جفا نے بھی پہچانایہ ہے عزت یہ ہے شہرت کس کی بدولت دل کی بدولت
کیا ہو قصد نکل جانے کا گھر پا کر اب شاد ہے کیا کیاارماں ارماں حسرت حسرت کس کی بدولت دل کی بدولت
اکثر مٹنا اکثر ابھرنا اکثر جینا اکثر مرنارہتی ہے یہ میری صورت کس کی بدولت دل کی بدولت
اٹھتے بیٹھتے رونا دھونا اشکوں سے دنیا کو ڈبونانوحؔ یہ ہے طوفان کی شدت کس کی بدولت دل کی بدولت
— نوح ناروی
Waah yeh lutf-e-soz-e-ulfat kis ki badaulat dil ki badaulatDozakh bhi hai mujh ko jannat kis ki badaulat dil ki badaulat
Dil mein hai daaghon ki kasrat kis ki badaulat dil ki badaulatAisi daulat itni daulat kis ki badaulat dil ki badaulat
Sab se ulfat sab ki hasrat kis ki badaulat dil ki badaulatDaawan dol hai meri niyyat kis ki badaulat dil ki badaulat
Pesh-e-nazar rehte hain baaham phirte hain aankhon mein har damHusn-e-kasrat noor-e-wahdat kis ki badaulat dil ki badaulat
Un ko bhi hai mera sauda aur mujhe bhi sauda un kaEk hui donon ki surat kis ki badaulat dil ki badaulat
Dekh liya karta hoon aksar yeh bhi aalam woh bhi manzarShaam-e-firqat subh-e-qayamat kis ki badaulat dil ki badaulat
Karta hoon main apna maatam aati hai ulfat mein paihamKis par aafat mujh par aafat kis ki badaulat dil ki badaulat
Main jo na bazm-e-naaz mein jaata kyun ghamza mujh ko tadpaataHanste bolte aa gaee shaamat kis ki badaulat dil ki badaulat
Ahl-e-wafa ne mujh ko jaana ahl-e-jafa ne bhi pehchaanaYeh hai izzat yeh hai shohrat kis ki badaulat dil ki badaulat
Kya ho qasd nikal jaane ka ghar paa kar ab shaad hai kya kyaArmaan armaan hasrat hasrat kis ki badaulat dil ki badaulat
Aksar mitna aksar ubharna aksar jeena aksar marnaRehti hai yeh meri surat kis ki badaulat dil ki badaulat
Uthte baithte rona dhoona ashkon se duniya ko dubonaNooh yeh hai toofan ki shiddat kis ki badaulat dil ki badaulat
فرہنگ
تشریح
اس غزل میں شاعر دل کے باعث پیش آنے والی الفت، کسک اور کیفیات کا ذکر کرتا ہے۔ ہر شعر کے آخر میں "کس کی بدولت دل کی بدولت" کا سوال دہرایا گیا ہے، جس سے یہ واضح ہوتا ہے کہ عشق کی سب کیفیات، کبھی جنت کبھی دوزخ، کبھی شادی کبھی ماتم، کا سبب دل ہی ہے۔
شاعر کا لہجہ حیرت، شکایت اور دھیمے طنز کا ہے۔ مثلاً "ان کو بھی ہے میرا سودا اور مجھے بھی سودا ان کا" میں باہمی الفت کا اظہار ہے، جبکہ "اٹھتے بیٹھتے رونا دھونا اشکوں سے دنیا کو ڈبونا" میں غم کی شدت بیان ہوئی ہے۔ آخری شعر میں یہی غم طوفان کی صورت میں پیش کیا گیا ہے۔