منظر فضائے دہر میں سارا علی کا ہےجس سمت دیکھتا ہوں نظارہ علی کا ہے
مرحب دو نیم ہے سر خیبر پڑا ہوااٹھنے کا اب نہیں کہ یہ مارا علی کا ہے
کُل کا جمال جزو کے چہرے سے ہے عیاںگھوڑے پہ ہیں حسین نظارہ علی کا ہے
اصحابی کالنجوم کا ارشاد بھی بجاسب سے مگر بلند ستارا علی کا ہے
ہم فقر مست چاہنے والے علی کے ہیںدل پر ہمارے صرف اجارا علی کا ہےِ
اہلِ ہوس کی لقمہ تر پر رہی نظرنان جویں پہ صرف گزارا علی کا ہے
تم دخل دے رہے ہو عقیدت کے باب میںدیکھو معاملہ یہ ہمارا علی کا ہے
اے ارض پاک تجھ کو مبارک کہ تیرے پاسپرچم نبی کا چاند ستارا علی کا ہے
آثار پڑھ کے مہدی دوراں کے یوں لگاجیسے ظہور وہ بھی دوبارہ علی کا ہے
تو کیا ہے اور کیا ہے تیرے علم کی بساطتجھ پر کرم نصیر یہ سارا علی کا ہے
— پیر نصیرالدین
Manzar faza-e-dahr mein saara Ali ka haiJis simt dekhta hoon nazara Ali ka hai
Marhab do neem hai sar-e-Khaybar pada huaUthne ka ab nahin ke yeh mara Ali ka hai
Kul ka jamaal juzv ke chehre se hai ayanGhode pe hain Husain nazara Ali ka hai
As-habi kan-nujoom ka irshad bhi bajaSab se magar buland sitara Ali ka hai
Ham faqr mast chahne wale Ali ke hainDil par hamare sirf ijara Ali ka hai
Ahl-e-hawas ki luqma-e-tar par rahi nazarNan-e-javein pe sirf guzara Ali ka hai
Tum dakhl de rahe ho aqeedat ke baab meinDekho muamla yeh hamara Ali ka hai
Ae arz-e-pak tujh ko mubarak ke tere paasParcham Nabi ka chand sitara Ali ka hai
Aasaar padh ke Mehdi-e-Dauran ke yun lagaJaise zahoor woh bhi dobara Ali ka hai
Tu kya hai aur kya hai tere ilm ki basaatTujh par karam Naseer yeh saara Ali ka hai
