سلسلہ ٹوٹے نہ ساقی ہوش اڑ جانے کے بعدمجھ کو ملتا ہی رہے پیمانہ پیمانے کے بعد
کھو دیا دنیا میں جو کچھ تھا تجھے پانے کے بعدجان سے جانا پڑا ہم کو ترے آنے کے بعد
تو ہی تھا وہ شمع جس کی روشنی تھی ہر طرفرنگ محفل میں کہاں اب تیرے اٹھ جانے کے بعد
جاؤ بیٹھو چین سے میں کیا کہوں تم کیا سنواب پشیمانی سے کیا حاصل ستم ڈھانے کے بعد
اس کا کیا کہنا ہے زاہد کے ٹھکانے ہیں بہتیہ کسی مسجد میں جا بیٹھے گا مے خانے کے بعد
شمع محفل رویئے یا ہنس کر گزارے صبح تککون اب جلنے یہاں آئے گا پروانے کے بعد
حسن رخ کی اک جھلک نے کر دئے اوسان گمہوش آیا تو مگر ان کے چلے جانے کے بعد
سچ ہے کوئی بھی شریک درد و غم ہوتا نہیںہو گئے احباب رخصت مجھ کو سمجھانے کے بعد
اب اپنا کہتے ہو کہ جا میری نظر سے دور ہوتم منانے آؤ گے مجھ کو مرے جانے کے بعد
طائر دل خال تو دیکھا خم گیسو بھی دیکھدام بھی تجھ کو نظر آ جائے گا دانے کے بعد
وحشت دل کی بدولت ہم چلے آئے یہاںدیکھیے اب کون سی منزل ہے ویرانے کے بعد
کون روتا ہے کسی کی خستہ حالی پر نصیرؔزیر لب ہنستی ہے دنیا میرے لٹ جانے کے بعد
— پیر نصیرالدین
Silsila toote na saaqi hosh ud jaane ke baadMujh ko milta hi rahe paimana paimane ke baad
Kho diya duniya mein jo kuch tha tujhe paane ke baadJaan se jaana pada hum ko tere aane ke baad
Tu hi tha woh shama jis ki roshni thi har tarafRang-e-mehfil mein kahaan ab tere uth jaane ke baad
Jao baitho chain se main kya kahoon tum kya sunoAb pashemani se kya hasil sitam dhaane ke baad
Is ka kya kehna hai zaahid ke thikane hain bahutYeh kisi masjid mein ja baithega mai-khane ke baad
Shama-e-mehfil roye ya hans kar guzare subh takKaun ab jalne yahaan aayega parwane ke baad
Husn-e-rukh ki ek jhalak ne kar diye ausaan gumHosh aaya to magar un ke chale jaane ke baad
Sach hai koi bhi shareek-e-dard-o-gham hota nahinHo gaye ahbab rukhsat mujh ko samjhane ke baad
Ab apna kehte ho ke ja meri nazar se door hoTum manane aao ge mujh ko mere jaane ke baad
Taa'ir-e-dil khaal to dekha kham-e-gesu bhi dekhDaam bhi tujh ko nazar aa jaayega daane ke baad
Wahshat-e-dil ki badolat hum chale aaye yahaanDekhiye ab kaun si manzil hai veerane ke baad
Kaun rota hai kisi ki khasta-haali par Naseer!Zeer-e-lab hansti hai duniya mere lut jaane ke baad