چتا کو جب ترا ٹھنڈا بدن سونپا گیا ہوگاشرارے کھل گئے ہوں گے دھواں لہرا گیا ہوگا
قضا کو شرم کے مارے پسینہ آ گیا ہوگایہ منظر دیکھنے والوں سے کب دیکھا گیا ہوگا
محبت کے پرستاروں وفا کے سوگواروں نےنگاہیں پھیر لی ہوں گی ترے ماتم گساروں نے
نظارے شہر و ساحل کے پریشاں ہو گئے ہوں گےڈھلی ہوگی جو شام غم ستارے سو گئے ہوں گے
شعاعیں بجھ گئی ہوں گی اجالے کھو گئے ہوں گےتری ٹھنڈی چتا پر شب کے سائے رو گئے ہوں گے
اگا ہوگا جو پورا چاند دھبا بن گیا ہوگاسیہ آنچل سا جمنا کے کنارے تن گیا ہوگا
تماشے زندگی بھر تو نے سوز دل کے دیکھے تھےغبار رہ گزر میں راستے منزل کے دیکھے تھے
نظارے حلقۂ گرداب سے ساحل کے دیکھے تھےتری آنکھوں نے جتنے خواب مستقبل کے دیکھے تھے
نئی پود آج ان خوابوں کی ذمہ دار ہوتی ہےنہ گھبرا مرنے والے زندگی بیدار ہوتی ہے
تری فکروں کے دھارے بہہ چلے گنگ و جمن بن کےترے آدرش نے دھرتی کو ڈھانکا ہے گگن بن کے
ترے دل کے لہو سے کھل گئی مٹی چمن بن کےوطن کا گوشہ گوشہ مسکرا اٹھا دلہن بن کے
تری صورت کسی کو جاوداں ہوتے نہیں دیکھاکسی قطرے کو اتنا بے کراں ہوتے نہیں دیکھا
تری گفتار میں باد صبا کی گل فشانی تھیترے افکار میں دریا کے پانی کی روانی تھی
تری تہذیب اک عہد محبت کی نشانی تھیتری ذات ایک دور جہد کی زندہ کہانی تھی
بہت مشکل ہے کوئی یوں وطن کی جان ہو جائےتجھے پھیلا دیا جائے تو ہندوستان ہو جائے
زمیں ماتم کدہ ہے آسماں تیرا عزا خانہترے پھولوں سے مہکے دشت و دریا شہر و ویرانہ
ہوا میں تیری خوشبو پانیوں میں تیرا افسانہفنا ہو کر فنا ہوتی نہیں ہے خاک پروانہ
کرن بن کر حریم وقت کی چلمن سے چھنتی ہےیہی مٹی سمٹ کر پھر نیا پروانہ بنتی ہے
— قیصر الجعفری
Chita ko jab tera thanda badan sonpa gaya hogaSharare khul gaye honge dhuan lehra gaya hoga
Qaza ko sharm ke mare paseena aa gaya hogaYeh manzar dekhne walon se kab dekha gaya hoga
Mohabbat ke parastaaron wafa ke sogwaron neNigahein pher li honge tere matam-guzaron ne
Nazare shehar-o-sahil ke pareshan ho gaye hongeDhali hogi jo shaam-e-gham sitare so gaye honge
Shua'ein bujh gayi honge ujale kho gaye hongeTeri thandi chita par shab ke saaye ro gaye honge
Aga hoga jo poora chand dhabba ban gaya hogaSiyah aanchal sa jamna ke kinare tan gaya hoga
Tamashe zindagi bhar tu ne soz-e-dil ke dekhe theGhubar-e-rah-guzar mein raaste manzil ke dekhe the
Nazare halqa-e-girdaab se sahil ke dekhe theTeri aankhon ne jitne khwab mustaqbil ke dekhe the
Nayi paud aaj in khwabon ki zimmedaar hoti haiNa ghabra marne wale zindagi bedaar hoti hai
Teri fikron ke dhaare beh chale Gang-o-Jamun ban keTere aadarsh ne dharti ko dhanka hai gagan ban ke
Tere dil ke lahoo se khul gayi mitti chaman ban keWatan ka gosha gosha muskurata utha dulhan ban ke
Teri soorat kisi ko jawedaan hote nahin dekhaKisi qatre ko itna be-karan hote nahin dekha
Teri guftaar mein baad-e-saba ki gul-fishani thiTere afkaar mein darya ke paani ki rawani thi
Teri tehzeeb ik ahd-e-mohabbat ki nishani thiTeri zaat ek daur-e-jahd ki zinda kahani thi
Bahut mushkil hai koi yun watan ki jaan ho jayeTujhe phaila diya jaye to Hindustan ho jaye
Zameen matam-kada hai aasmaan tera aza-khanaTere phoolon se mahke dasht-o-darya shehar-o-veerana
Hawa mein teri khushboo paaniyon mein tera afsanaFana ho kar fana hoti nahin hai khaak-e-parwana
Kiran ban kar hareem-e-waqt ki chilman se chhanti haiYehi mitti simat kar phir naya parwana banti hai