گر تجھے روحِ رواں راحتِ جاں کہتے ہیںسب بجا کہتے ہیں جو اہلِ جہاں کہتے ہیں
رخ کو گل قد کو ترے سروِرواں کہتے ہیںلوگ کیا کیا تجھے اے جانِ جہاں کہتے ہیں
مرضِ عشق اطبا سے نہ تشخیص ہواکچھ جنوں کہتے ہیں بعضے خفقاں کہتے ہیں
جو کہ خوگر ہیں تری بوئے دہن کے اے گلغنچۂ گل کو بھی وہ گندہ دہاں کہتے ہیں
زلف و رخ کی سحروشام جو کرتے ہیں دیدگل کو انگارے وہ سنبل کو دھواں کہتے ہیں
یوں پتا پوچھیو اس حور کے گھر کا قاصدکس کے کوچے کو گلستانِ جناں کہتے ہیں
قامتِ یار کو بتلاتے ہیں بعضے شمشاداکثر اس قد کو قیامت کا نشاں کہتے ہیں
جس نے دیکھا تجھے اے جان وہ جاں بر نہ ہوااہلِ دل تجھ کو بجا آفتِ جاں کہتے ہیں
کیوں نہ وہ طفلِ حسیں ہووے عزیزِ دلیوسفِ وقت اسے پیرو جواں کہتے ہیں
سن کے کاٹےہیں سخن کو مرے حاسد اے رندؔاس لئے لوگ مجھے سیفِ زباں کہتے ہیں
— رند لکھنوی
Gar tujhe rooh-e-rawaan rahat-e-jaan kehte hainSab baja kehte hain jo ahl-e-jahaan kehte hain
Rukh ko gul qad ko tere sarv-e-rawaan kehte hainLog kya kya tujhe ae jaan-e-jahaan kehte hain
Marz-e-ishq atibba se na tashkhees huaKuch junoon kehte hain ba'ze khafqaan kehte hain
Jo ke khoogar hain teri boo-e-dahan ke ae gulGhuncha-e-gul ko bhi woh ganda-dahan kehte hain
Zulf-o-rukh ki sahar-o-shaam jo karte hain deedGul ko angaare woh sunbul ko dhuaan kehte hain
Yun pata poochhiyo us hoor ke ghar ka qasidKis ke kooche ko gulistan-e-jinaan kehte hain
Qamat-e-yaar ko batlate hain ba'ze shamshaadAksar us qad ko qayamat ka nishaan kehte hain
Jis ne dekha tujhe ae jaan woh jaan-bar na huaAhl-e-dil tujh ko baja aafat-e-jaan kehte hain
Kyun na woh tifl-e-haseen hove azeez-e-dilYusuf-e-waqt usay peer-o-jawaan kehte hain
Sun ke kaate hain sukhan ko mere haasid ae Rind!Is liye log mujhe Saif-e-Zabaan kehte hain
