بد گماں کیا قبر میں ارماں ترے لے جائیں گےہم اکیلے آئے ہیں جیسے اکیلے جائیں گے
کس قدر ثابت قدم ہیں رہ روان کوئے دوستجائیں گے پھر ان کی کوئی جان لے لے جائیں گے
حضرت دل اور پھر جائیں نہ اس کی بزم میںجھڑکیاں دے لے کوئی الزام دے لے جائیں گے
تم ستا لو مجھ کو لیکن یوں نہ ہر اک سے ملوظلم سہہ لوں گا مگر صدمے نہ جھیلے جائیں گے
اس گلی میں ڈال دو تا سنبھلیں ٹھوکر کھا کے غیریوں بھی اک دن خاک میں آنکھوں کے ڈھیلے جائیں گے
ہے دعاؤں کا اثر سنگ حوادث ہی اگراپنے ہاتھوں پھر تو یہ صدمے نہ جھیلے جائیں گے
خیر خواہوں راز داروں کی بہت نیت دیکھ لیآج سے ہم اس کی محفل میں اکیلے جائیں گے
بے کسی میں کون کس کا ساتھ دیتا ہے صفیؔملنے والے ہیں تماشے کے یہ میلے جائیں گے
— صفی اورنگ آبادی
Bad gumaan kya qabr mein armaan tere le jayein geHum akele aaye hain jaise akele jayein ge
Kis qadar sabit qadam hain rah rawan-e koo-e dostJayein ge phir un ki koi jaan le le jayein ge
Hazrat-e dil aur phir jayein na us ki bazm meinJhirkiyan de le koi ilzaam de le jayein ge
Tum sata lo mujh ko lekin yun na har ek se miloZulm seh loon ga magar sadme na jhele jayein ge
Us gali mein daal do ta sambhlein thokar kha ke ghairYun bhi ek din khaak mein aankhon ke dhele jayein ge
Hai duaon ka asar sang-e hawadis hi agarApne haathon phir to yeh sadme na jhele jayein ge
Khair khwahon raaz daron ki bahut niyyat dekh liAaj se hum us ki mehfil mein akele jayein ge
Bekasi mein kaun kis ka saath deta hai SafiMilne wale hain tamashe ke yeh mele jayein ge