چھوڑ ہر ایک کو برا کہناایسی صورت پہ تجھ کو کیا کہنا
بے وفاؤں کو با وفا کہناآپ کی بات واہ کیا کہنا
تم نے کیا عیب ہم میں دیکھا ہےدیکھو اچھا نہیں برا کہنا
میں نے کیا کیا کہا ہے لوگوں سےایک بار اور پھر ذرا کہنا
جانتے کب ہیں مجھ کو اپنا دوستمانتے کب ہیں وہ مرا کہنا
مجھ کو غصے سے دیکھ کر نہ رکودل میں جو کچھ بھی آ گیا کہنا
میں محبت میں کیا کروں انصافکوئی انصاف سے ذرا کہنا
آپ کو آج تک نہیں آیاواقعہ سب سے ایک سا کہنا
خوب نقلیں اتارتے ہیں آپآفریں واہ واہ کیا کہنا
کیا کہا میں کبھی نہیں سنتااور پھر اس پہ آپ کا کہنا
ان کو کہنا سلام اے قاصداور دربان کو دعا کہنا
اے صفیؔ ہے ابھی تو دلی دورکون کہتا ہے آ گیا کہنا
— صفی اورنگ آبادی
Chhor har ek ko bura kehnaAisi soorat pe tujh ko kya kehna
Bewafaaon ko baawafa kehnaAap ki baat waah kya kehna
Tum ne kya aib hum mein dekha haiDekho achha nahin bura kehna
Main ne kya kya kaha hai logon seEk baar aur phir zara kehna
Jaante kab hain mujh ko apna dostMaante kab hain woh mera kehna
Mujh ko ghusse se dekh kar na rukoDil mein jo kuchh bhi aa gaya kehna
Main mohabbat mein kya karoon insaafKoi insaaf se zara kehna
Aap ko aaj tak nahin aayaWaqia sab se ek sa kehna
Khoob naqlen utaarte hain aapAafreen waah waah kya kehna
Kya kaha main kabhi nahin suntaAur phir is pe aap ka kehna
Un ko kehna salaam ae qaasidAur darbaan ko dua kehna
Ae Safi hai abhi to Dilli doorKaun kehta hai aa gaya kehna