تسخیر فطرت کے بعدہوا اے ہوا
میں ترا ایک انگ ایک لہرا تھاصدیوں ترے ساتھ دشت دامن کوہ صحرا میں
آزاد و سرشار پھرتا رہا ہوںسمندر کی چھاتی پہ صدیوں ترے ساتھ
بے فکر و بے دست چلتا رہا ہوںانوکھی زمینوں طلسمی جزیروں کو دریافت کرتا رہا ہوں
مجھے تو نے فطرت کے بعدصنم خانۂ کائنات آزری کے طلسمات کسے آ کے باہر نکالا
مرے خوف سے کانپتے دل کووہموں میں ہوئے سر کو
سجدے سے تو نے اٹھا کرانہیں آگہی و عمل کی نیا نور بخشا
مجھے خود سے اور خود سے باہر مظاہر سےصدیوں ہم آہنگ ہونا سکھایا
سمندر کے دکھ کو سمجھنے کی خاطرابلتے ہوئے گرم پر شور طوفاں کو ناپا ہے میں نے
بیاباں کی تنہائی کو دور کرنے کی خاطرمیں تپتی ہوئی ریت پر صدیوں پیدل چلا ہوں
بدلتے ہوئے موسموں کا ہر اک راز لینے کو میں نےبہار و خزاں میں درختوں کے سایوں میں ٹھہرا تو بچوں کی سانسیں گنی ہیں
زمانے کا ہر سرد و گرم آزمانے کو صدیوں ہی تک میںپہاڑوں کی برفیلی چوٹی سے
اور کوہ آتش فشاں کے دہانے سے گزر کیا ہوںاور اس پر ابھی جب ناتمامی کا احساس ڈستا رہا
اپنی تکمیل کرنے کی خاطربلندی کی پر نور چوکھٹ کو
پستی کے تاریک غاروں کو چوما ہے میں نےغرض زندگی کے ہر ایک درد سے خود کو انگیز کر کے
ہوا اے ہوامیں کہ تجھ سے بچھڑنے سے پہلے
تری طرح آزاد و سرشار تھااب یہ کس طرح کی منہمک ٹوٹتی زندگی ہے
کہ تو شہر شہر آدمی کی تگ و تاز کی تاب لانے کے قابل نہیںاور میں شہر شہر ایک پتھر سا رستوں میں بے حس پڑا ہوں
تری سست پیمائی اور اپنی بے چارگی کا گلہ کر رہا ہوں
— شہاب جعفری
Taskheer-e-fitrat ke baadHawa, aye hawa
Main tera ek ang ek lehra thaSadiyon tere saath dasht, daman-e-koh, sehra mein
Aazad o sarshar phirta raha hoonSamandar ki chhati pe sadiyon tere saath
Be-fikr o be-dast chalta raha hoonAnokhi zameeno, tilismi jazeeron ko daryaft karta raha hoon
Mujhe tu ne fitrat ke ba'dSanam-khana-e-kainat-e-Aazari ke tilismaat kisey aa ke bahar nikala
Mere khauf se kaanpte dil koWahmon mein hue sar ko
Sajde se tu ne utha karUnhein aagahi o amal ki naya noor bakhsha
Mujhe khud se aur khud se bahar mazahir seSadiyon ham-aahang hona sikhaya
Samandar ke dukh ko samajhne ki khatirUbhalte hue garm pur-shor toofan ko naapa hai main ne
Bayaban ki tanhai ko door karne ki khatirMain tapti hui ret par sadiyon paidal chala hoon
Badalte hue mausamon ka har ik raaz lene ko main neBahar o khazan mein drakhton ke saiyon mein thehra to bachchon ki saansein gini hain
Zamane ka har sard o garm aazmane ko sadiyon hi tak mainPaharon ki barfeeli choti se
Aur koh-e-aatish-fishan ke dahane se guzar kiya hoonAur is par abhi jab na-tamami ka ehsas dasta raha
Apni takmeel karne ki khatirBulandi ki pur-noor chaukhat ko
Pasti ke tareekh gharon ko chooma hai main neGharz zindagi ke har ek dard se khud ko angez kar ke
Hawa, aye hawaMain ke tujh se bichhadne se pehle
Teri tarah aazad o sarshar thaAb yeh kis tarah ki munhamak toot-ti zindagi hai
Ke tu shahr shahr aadmi ki tag-o-taaz ki taab laane ke qabil nahinAur main shahr shahr ek patthar sa raston mein be-hiss pada hoon
Teri sust paimaai aur apni be-chargi ka gila kar raha hoon