لفظ اور ہونٹ کے مابین کہیںسانس الجھ جاتی ہے
تیرے آنگن کے کسی گوشۂ نادیدہ میںمنحنی ہاتھوں سے دیوار پکڑتی ہوئی
امید کی بیلاپنے ہی غم سے دہکتی رہی دم دم پیہم
اپنے ہی نم سے مہکتی رہی موسم موسملفظ ابھرتے رہے رک رک کے سر شاخ نیاز
بیل کے پھول کبھی رنگ کبھی خوشبو سےآن کی آن ترے لمس میں جینا چاہیں
مجس ذات کی تنہائی میںاور زمستان خموشی کی گرانباری میں
یہی ارمان رہاتو انہیں چاہے نہ چاہے لیکن
کبھی پل بھر کو پذیرائی کا اظہار کرےلمحہ بھر لذت شنوائی سے سرشار کرے
آج اس درد کی برسات کے دنبیل سے ایک مہک اٹھی ہے طوفاں کی طرح
پھول وا ہونٹوں کے مانند ہیں ہر برگ ہے اک دیدۂ گریاں کی طرحاور ہوا کانپ رہی ہے کسی ہم راز پریشاں کی طرح
کیا یہ بیتاب دھڑکتے ہوئے لفظآج بھی تیری مژہ پر نہ منور ہوں گے
— ضیاء جالندھری
Lafz aur hont ke mabain kahinSans ulajh jati hai
Tere aangan ke kisi gosha-e-nadida meinManhani hathon se diwar pakadti hui
Ummid ki belApne hi gham se dahakti rahi dam dam paiham
Apne hi nam se mahakti rahi mausam mausamLafz ubharte rahe ruk ruk ke sar-e-shakh-e-niyaz
Bel ke phul kabhi rang kabhi khushbu seAan ki aan tere lams mein jina chahen
Majas-e-zat ki tanhai meinAur zamistan-e-khamoshi ki giranbari mein
Yahi arman rahaTu unhen chahe na chahe lekin
Kabhi pal bhar ko pazirai ka izhaar kareLamha bhar lazzat-e-shunwai se sarshaar kare
Aaj is dard ki barsat ke dinBel se ek mahak utthi hai tufan ki tarah
Phul wa honton ke manind hain har barg hai ek dida-e-giryan ki tarahAur hawa kanp rahi hai kisi hamraaz pareshan ki tarah
Kya ye betab dhadakte hue lafzAaj bhi teri mizha par na munawwar honge