ایک نامقبول قربانی ہوں میںسرپھری الفت میں لا ثانی ہوں میں
میں چلا جاتا ہوں واں تکلیف سےوہ سمجھتے ہیں کہ لا ثانی ہوں میں
کان دھرتے ہی نہیں وہ بات پرکب سے مصروف ثنا خوانی ہوں میں
زندگی ہے اک کرائے کی خوشیسوکھتے تالاب کا پانی ہوں میں
مجھ سے بڑھ کر کیا کوئی ہوگا امیرقیمتی ورثے کی ارزانی ہوں میں
چاندنی راتوں میں یاروں کے بغیرچاندنی راتوں کی ویرانی ہوں میں
کہنا سننا ان سے مجھ کو کچھ نہیںصرف اک تمہید طولانی ہوں میں
مجھ کو پچھتانا نہیں آتا عدمؔایک دولت مند نادانی ہوں میں
— عبدالحمیدعدم
Ek na-maqbool qurbani hoon mainSar-phiri ulfat mein la-sani hoon main
Main chala jaata hoon waan takleef seWoh samajhte hain ke la-sani hoon main
Kaan dharte hi nahin woh baat parKab se masroof-e-sana-khwani hoon main
Zindagi hai ek kiraye ki khushiSookhte talaab ka pani hoon main
Mujh se badh kar kya koi hoga ameerQeemati wirse ki arzani hoon main
Chandni raaton mein yaaron ke baghairChandni raaton ki veerani hoon main
Kehna sunna un se mujh ko kuch nahinSirf ek tamheed-e-toolani hoon main
Mujh ko pachhtana nahin aata AdamEk daulat-mand nadaani hoon main
