جوانی میں نظر کو تابع احکام ہونے دویہ اٹھ جائے جدھر اس سمت قتل عام ہونے دو
اداؤں کو شریک گردش ایام ہونے دوجوانی میں کسی کی حشر کا ہنگام ہونے دو
نظر کے ساتھ ہو جائے گا قائم دور مے خانہذرا گردش میں چشم ساقیٔ گلفام ہونے دو
نظر آ جائے گا دنیا کو برق و طور کا عالمدم دیدار بے خود مجھ کو زیر بام ہونے دو
نہ ہم دل کو چھپائیں اور نہ تم پھیرو نگاہوں کوہم اپنا کام ہونے دیں تم اپنا کام ہونے دو
خدا معلوم لے جائے کہاں ذوق طلب مجھ کوابھی تو بے خودیٔ شوق کا انجام ہونے دو
کمی ہے مرنے والوں کی نہ قاتل کی زمانہ میںکسی کی ہر ادا کہتی ہے قتل عام ہونے دو
خدا والو نہ روکو مجھ کو میرے ذوق عصیاں سےمجھے روز قیامت مورد الزام ہونے دو
ابھی کچھ گردشیں باقی ہیں جام زیست کی افقرؔابھی کچھ دیر شغل بادۂ گلفام ہونے دو
— افقر موہانی
Jawaani mein nazar ko tabe ahkaam hone doYeh uth jaye jidhar is simt qatl-e-aam hone do
Adaon ko shareek-e-gardish-e-ayyam hone doJawaani mein kisi ki hashr ka hangam hone do
Nazar ke sath ho jaye ga qaim daur-e-mai-khanaZara gardish mein chashm-e-saqi-e-gulfaam hone do
Nazar aa jaye ga duniya ko barq-o-toor ka alamDam-e-deedar be-khud mujh ko zer-e-baam hone do
Na hum dil ko chhupayen aur na tum pherro nigahon koHum apna kaam hone dein tum apna kaam hone do
Khuda maloom le jaye kahan zauq-e-talab mujh koAbhi to be-khudi-e-shauq ka anjam hone do
Kami hai marne walon ki na qatil ki zamane meinKisi ki har ada kehti hai qatl-e-aam hone do
Khuda walo na roko mujh ko mere zauq-e-isyan seMujhe roz-e-qayamat mawrid-e-ilzaam hone do
Abhi kuchh gardishen baqi hain jaam-e-zeest ki AfqarAbhi kuchh der shughl-e-bada-e-gulfaam hone do