یہ کس کے آستانے کی زمیں معلوم ہوتی ہےکہ جنبش میں مری لوح جبیں معلوم ہوتی ہے
دو رنگی دیر و کعبہ کی نہیں معلوم ہوتی ہےحقیقت آشنا میری جبیں معلوم ہوتی ہے
میں چاہوں بھی تو سنگ آستاں سے اٹھ نہیں سکتاکہ جزو آستاں اپنی جبیں معلوم ہوتی ہے
دواں ہے کشتیٔ عمر رواں یوں بحر ہستی میںکہیں ابھری کہیں ڈوبی کہیں معلوم ہوتی ہے
یہ اک بے ربط سی جامہ دری اور اپنے ہی ہاتھوںجہاں پہلے تھا دامن آستیں معلوم ہوتی ہے
یہ جلوہ زار دنیا بھی عجب آئینہ خانہ ہےکہ ہر تصویر حیرت آفریں معلوم ہوتی ہے
تجلی حسن جاناں کی نہیں موقوف ایمن پرجہاں محسوس کرتا ہوں وہیں معلوم ہوتی ہے
نظر آتے ہیں جلوے وہ جہاں کے ان کی چوکھٹ پرخدائی اب مرے زیر نگیں معلوم ہوتی ہے
اتر آیا ہے نقشہ آستان یار کا افقرؔجبین شوق اب میری جبیں معلوم ہوتی ہے
— افقر موہانی
Yeh kis ke aastane ki zamin maloom hoti haiKe junbish mein meri lauhe jabeen maloom hoti hai
Do-rangi dair-o-kaaba ki nahin maloom hoti haiHaqiqat aashna meri jabeen maloom hoti hai
Main chahun bhi to sang-e-aastaan se uth nahin saktaKe juzv-e-aastaan apni jabeen maloom hoti hai
Dawan hai kashti-e-umr-e-rawaan yun bahr-e-hasti meinKahin ubhri kahin doobi kahin maloom hoti hai
Yeh ek be-rabt si jama-dari aur apne hi hathonJahan pehle tha daman aasteen maloom hoti hai
Yeh jalwa-zaar duniya bhi ajab aaina-khana haiKe har tasveer hairat aafrin maloom hoti hai
Tajalli husn-e-janaa ki nahin mauqoof aiman parJahan mahsoos karta hoon wahin maloom hoti hai
Nazar aate hain jalwe woh jahan ke un ki chaukhat parKhudai ab mere zer-e-nagin maloom hoti hai
Utar aaya hai naqsha aastan-e-yaar ka AfqarJabeen-e-shauq ab meri jabeen maloom hoti hai