قربت بھی نہیں دل سے اتر بھی نہیں جاتاوہ شخص کوئی فیصلہ کر بھی نہیں جاتا
آنکھیں ہیں کہ خالی نہیں رہتی ہیں لہو سےاور زخم جدائی ہے کہ بھر بھی نہیں جاتا
وہ راحت جاں ہے مگر اس در بدری میںایسا ہے کہ اب دھیان ادھر بھی نہیں جاتا
ہم دوہری اذیت کے گرفتار مسافرپاؤں بھی ہیں شل شوق سفر بھی نہیں جاتا
دل کو تری چاہت پہ بھروسہ بھی بہت ہےاور تجھ سے بچھڑ جانے کا ڈر بھی نہیں جاتا
پاگل ہوئے جاتے ہو فرازؔ اس سے ملے کیااتنی سی خوشی سے کوئی مر بھی نہیں جاتا
— احمد فراز
Qurbat bhi nahin dil se utar bhi nahin jaataWo shakhs koi faisla kar bhi nahin jaata
Aankhen hain ke khaali nahin rehti hain lahoo seAur zakhm-e-judai hai ke bhar bhi nahin jaata
Wo rahat-e-jaan hai magar is dar-badari meinAisa hai ke ab dhyan udhar bhi nahin jaata
Hum dohri aziyat ke giraftar musafirPaaon bhi hain shal shauq-e-safar bhi nahin jaata
Dil ko teri chahat pe bharosa bhi bahut haiAur tujh se bichhad jaane ka dar bhi nahin jaata
Pagal hue jaate ho Faraz, is se mile kyaItni si khushi se koi mar bhi nahin jaata