کہاں کی گونج دل ناتواں میں رہتی ہےکہ تھرتھری سی عجب جسم و جاں میں رہتی ہے
قدم قدم پہ وہی چشم و لب وہی گیسوتمام عمر نظر امتحاں میں رہتی ہے
مزہ تو یہ ہے کہ وہ خود تو ہے نئے گھر میںاور اس کی یاد پرانے مکاں میں رہتی ہے
پتہ تو فصل گل و لالہ کا نہیں معلومسنا ہے قرب و جوار خزاں میں رہتی ہے
میں کتنا وہم کروں لیکن اک شعاع یقیںکہیں نواح دل بدگماں میں رہتی ہے
ہزار جان کھپاتا رہوں مگر پھر بھیکمی سی کچھ مرے طرز بیاں میں رہتی ہے
— احمد مشتاق
Kahan ki goonj dil-e-na-tawan mein rehti haiKe tharthari si ajab jism-o-jaan mein rehti hai
Qadam qadam pe wahi chashm-o-lab wahi gesuTamam umr nazar imtihan mein rehti hai
Maza to ye hai ke wo khud to hai naye ghar meinAur us ki yaad purane makan mein rehti hai
Pata to fasl-e-gul-o-lala ka nahin maloomSuna hai qurb-o-jawar-e-khizan mein rehti hai
Main kitna wehm karoon lekin ek shua-e-yaqeenKahin nawah-e-dil-e-badgumaan mein rehti hai
Hazaar jaan khapata rahoon magar phir bhiKami si kuchh mere tarz-e-bayan mein rehti hai