تو آ گئی شامسرمئی وحشت و ہزیمت کے سائے سائے
میں درد ہا درد اک نئی نظم بن رہا ہوںدرخت آسیب زادگاں دیو پیکراں
چہچہے کراہیںیہ پات نوحے پہ سینہ کوبی میں گم عزا دار
شاخچے برچھیوں کے پھلغنچے زخم نا آشنائے مرہم
گھنے درختوں میںزمزمہ ساز اپنی اپنی دھنوں کو ترتیب دے رہے ہیں
لہکتے پتوں کی تالیوں میںحنائی ہاتھوں کے تھپتھپانے کا لمس ہے
شاخچوں کے پردوں سے منہ نکالے ہوئے یہ غنچےکسی کو آواز دے رہے ہیں
نگار نکہت نے حجلۂ گل کا پردہ پردہ دیا ہےوہ ہونٹ آواز دے رہے ہیں
یہ بعد کیا ہے؟حیات و موت اور شادی و غم کے سلسلوں
میں یہ بعد کیا ہےظروف و احوال کے فسانے میں سب مظاہر
جدا جدا ہیںمیں اپنے ہونے میں سانحہ ہوں کہ
واقعہ ہوں؟جو ایک منظر مجھے رلائے
وہی پرندے کی چونچ پر کھل کے چہچہائےپھر آ گئی شام
سرمئی وحشت و ہزیمت کے سائے سائے
— اختر عثمان
tu aa gayi shaamsurmai wahshat o hazimat ke saaye saaye
main dard ha dard ek nayi nazm ban raha hoondarakht aaseb-zadgaan dev-paikaran
cheh-chehe karahinyeh paat nauhe pe sina-kobi mein gum aza-dar
shaakhche barchhiyon ke phalghunche zakhm na aashna-e-marham
ghane darakhton meinzamzama-saz apni apni dhunon ko tartib de rahe hain
lehekte patton ki taliyon meinhinai hathon ke thapthapane ka lams hai
shaakhchon ke pardon se munh nikale hue yeh ghunchekisi ko aawaz de rahe hain
nigaar-e-nukhat ne hujla-e-gul ka parda parda diya haiwo honth aawaz de rahe hain
yeh baad kya hai?hayat o maut aur shadi o gham ke silsilon
mein yeh baad kya haizuroof o ahwaal ke fasane mein sab mazahir
juda juda hainmain apne hone mein sanha hoon ki
waqia hoon?jo ek manzar mujhe rulaye
wahi parinde ki chonch par khul ke chehchahayephir aa gayi shaam
surmai wahshat o hazimat ke saaye saaye