اہل ظاہر کو فن جلوہ گری نے مارااہل باطن کو توانا نظری نے مارا
تلخ تھی موت مگر زیست سے شیریں تر تھیاس سے پوچھو جسے بے بال و پری نے مارا
مندمل ہوتے ہوئے زخم ہرے ہونے لگےسائے سائے میں تری ہم سفری نے مارا
دشت غربت کے شب و روز کی لذت نہ ملیسر وطن میں بھی بہت در بہ دری نے مارا
عشق اور دست طلب ایسی بھی کیا مجبوریشوق کو کاوش دریوزہ گری نے مارا
زخم پارینہ بھرا ہی تھا کہ اے سوزن حالاور اک تیر تری بخیہ گری نے مارا
داد و شمشیر نے جب جب بھی ڈرانا چاہاقہقہہ شوق کی شوریدہ سری نے مارا
صلح کرنا تو زمانے سے ہے آساں لیکنمجھ کو زیدیؔ مری بالغ نظری نے مارا
— علی جواد زیدی
Ahl-e-zahir ko fan-e-jalwa-gari ne maraAhl-e-batin ko tawana-nazari ne mara
Talkh thi maut magar zeest se shirin tar thiUs se poochho jise be-bal-o-pari ne mara
Mundamil hote hue zakhm hare hone lageSaye saye mein teri hum-safari ne mara
Dasht-e-ghurbat ke shab-o-roz ki lazzat na miliSar watan mein bhi bahut dar-ba-dari ne mara
Ishq aur dast-e-talab aisi bhi kya majbooriShauq ko kawish-e-daryooza-gari ne mara
Zakhm-e-pareena bhara hi tha ke ae sozan-e-haalAur ek teer teri bakhiya-gari ne mara
Daad-o-shamsheer ne jab jab bhi darana chahaQahqaha shauq ki shoorida-sari ne mara
Sulah karna to zamane se hai aasaan lekinMujh ko Zaidi meri baligh-nazari ne mara