ذرۂ ناتپیدہ کی خواہش آفتاب کیا – علی جواد زیدی

ذرۂ ناتپیدہ کی خواہش آفتاب کیانغمۂ ناشنیدہ کا حوصلۂ رباب کیا

عمر کا دل ہے مضمحل زیست ہے درد مستقلایسے نظام دہر میں وسوسۂ عذاب کیا

نغمہ بہ لب کیاریاں رقص میں ذرہ تپاںسن لیا کشت خشک نے زمزمۂ سحاب کیا

چہرۂ شب دمک اٹھا سرخ شفق جھلک اٹھیوقت طلوع کہہ گیا جانے آفتاب کیا

رندوں سے باز پرس کی پیر مغاں سے دل لگیآج یہ محتسب نے بھی پی ہے کہیں شراب کیا

شمع تھی لاکھ ادھ جلی بزم میں روشنی تو تھیورنہ غم نشاط میں روشنی گلاب کیا

غیر کی رہگزر ہے یہ دوست کی رہگزر نہیںکون اٹھائے گا تجھے دیکھ رہا ہے خواب کیا

مدتوں سے خلش جو تھی جیسے وہ کم سی ہو چلیآج مرے سوال کا مل ہی گیا جواب کیا

ہاں تری منزل مراد دور بہت ہی دور ہےپھر بھی ہر ایک موڑ پر دل میں یہ اضطراب کیا

— علی جواد زیدی