غزل 8 اشعار

ہے خموش آنسوؤں میں بھی نشاط کامرانی

Hai khamosh aansuon mein bhi nishat-e-kamrani

ہے خموش آنسوؤں میں بھی نشاط کامرانیکوئی سن رہا ہے شاید مری دکھ بھری کہانی

یہی تھرتھراتے آنسو یہی نیچی نیچی نظریںیہی ان کی بھی نشانی یہی اپنی بھی نشانی

یہ نظام بزم ساقی کہیں رہ سکے گا باقیکہ خوشی تو چند لمحے غم و درد جاودانی

ہیں وجود شے میں پنہاں ازل و ابد کے رشتےیہاں کچھ نہیں دو روزہ کوئی شے نہیں ہے فانی

تری بات کیا ہے واعظ مرا دل وہ ہے کہ جس نےاسی مے کدے میں اکثر مری بات بھی نہ مانی

پئے رفع بدگمانی میں وفا برت رہا تھامری پے بہ پے وفا سے بڑھی اور بدگمانی

مرا مے کدہ سلامت کہ ہر ایک قید اٹھا دینہ تو دیر کی غلامی نہ حرم کی پاسبانی

کروں ان سے لاکھ شکوے مگر ان سے شکوہ کرنانہ طریقۂ محبت نہ روایت جوانی

— علی جواد زیدی