کم ظرف احتیاط کی منزل سے آئے ہیں – علی جواد زیدی

کم ظرف احتیاط کی منزل سے آئے ہیںہم زندگی کے جادۂ مشکل سے آئے ہیں

گرداب محو رقص ہے طوفان محو جوشکچھ لوگ شوق موج میں ساحل سے آئے ہیں

یہ وضع ضبط شوق کہ دل جل بجھا مگرشکوے زباں پہ آج بھی مشکل سے آئے ہیں

آنکھوں کا سوز دل کی کسک تو نئیں ملیمانا کہ آپ بھی اسی محفل سے آئے ہیں

یہ قشقۂ خلوص ہے زخم جبیں نہیںہر چند ہم بھی کوچۂ قاتل سے آئے ہیں

دل کا لہو نگاہ سے ٹپکا ہے بارہاہم راہ غم میں ایسی بھی منزل سے آئے ہیں

دل اک اداس صبح نظر اک اداس شامکیسے کہیں کہ دوست کی محفل سے آئے ہیں

چھیڑا تھا نوک خار نے لیکن گماں ہواتازہ پیام پردۂ محمل سے آئے ہیں

ہاں گائے جا مغنی بزم طرب کہ آجنغمے تری زباں پہ مرے دل سے آئے ہیں

— علی جواد زیدی

کس نے پڑھا

یہ کلام محفلوں میں