مجنوں نے شہر چھوڑا تو صحرا بھی چھوڑ دےنظارے کی ہوس ہو تو لیلیٰ بھی چھوڑ دے
واعظ کمال ترک سے ملتی ہے یاں مراددنیا جو چھوڑ دی ہے تو عقبیٰ بھی چھوڑ دے
تقلید کی روش سے تو بہتر ہے خودکشیرستہ بھی ڈھونڈ خضر کا سودا بھی چھوڑ دے
مانند خامہ تیری زباں پر ہے حرف غیربیگانہ شے پہ نازش بے جا بھی چھوڑ دے
لطف کلام کیا جو نہ ہو دل میں درد عشقبسمل نہیں ہے تو تو تڑپنا بھی چھوڑ دے
شبنم کی طرح پھولوں پہ رو اور چمن سے چلاس باغ میں قیام کا سودا بھی چھوڑ دے
ہے عاشقی میں رسم الگ سب سے بیٹھنابت خانہ بھی حرم بھی کلیسا بھی چھوڑ دے
سوداگری نہیں یہ عبادت خدا کی ہےاے بے خبر جزا کی تمنا بھی چھوڑ دے
اچھا ہے دل کے ساتھ رہے پاسبان عقللیکن کبھی کبھی اسے تنہا بھی چھوڑ دے
جینا وہ کیا جو ہو نفس غیر پر مدارشہرت کی زندگی کا بھروسا بھی چھوڑ دے
شوخی سی ہے سوال مکرر میں اے کلیمشرط رضا یہ ہے کہ تقاضا بھی چھوڑ دے
واعظ ثبوت لائے جو مے کے جواز میںاقبالؔ کو یہ ضد ہے کہ پینا بھی چھوڑ دے
— علامہ اقبال
Majnoon ne shahr chhoda to sehra bhi chhod deNazare ki hawas ho to Laila bhi chhod de
Waa'iz kamal-e-tark se milti hai yahan muradDunya jo chhod di hai to uqba bhi chhod de
Taqleed ki rawish se to behtar hai khudkushiRasta bhi dhoond Khizr ka sauda bhi chhod de
Manind-e-khama teri zubaan par hai harf-e-ghairBegana shai pe nazish-e-beja bhi chhod de
Lutf-e-kalam kya jo na ho dil mein dard-e-ishqBismil nahin hai tu to tadapna bhi chhod de
Shabnam ki tarah phoolon pe ro aur chaman se chalIs bagh mein qayam ka sauda bhi chhod de
Hai aashiqi mein rasm alag sab se baithnaBut-khana bhi Haram bhi kaleesa bhi chhod de
Saudagari nahin ye ibadat Khuda ki haiAe be-khabar jaza ki tamanna bhi chhod de
Achha hai dil ke saath rahe pasban-e-aqlLekin kabhi kabhi usay tanha bhi chhod de
Jeena woh kya jo ho nafs-e-ghair par madarShohrat ki zindagi ka bharosa bhi chhod de
Shokhi si hai sawal-e-mukarrar mein ae KaleemShart-e-raza ye hai ke taqaza bhi chhod de
Waa'iz saboot laaye jo may ke jawaz meinIqbal ko ye zid hai ke peena bhi chhod de
