آنکھ سے آنسو تو دل سے ڈر اٹھا کر لے گیا – امیر امام

آنکھ سے آنسو تو دل سے ڈر اٹھا کر لے گیاایک منظر سارے پس منظر اٹھا کر لے گیا

کس نے پہچانا یہاں ان کور بینوں میں مجھےکون میرا لاشۂ بے سر اٹھا کر لے گیا

مل گیا مجھ میں جسے جو چاہیئے تھا اور پھرکوئی ہیرے اور کوئی پتھر اٹھا کر لے گیا

میری آنکھیں شہر کے کوزہ گروں میں بٹ گئیںمیرا سینہ ایک آہن گر اٹھا کر لے گیا

جس سے اک پتھر نہ اٹھ پاتا تھا اب وہ ناتواںانگلیوں پر عشق کا خیبر اٹھا کر لے گیا

سارے منظر ساتھ اس کے عمر بھر چلتے رہےاپنے کاندھوں پر وہ اپنا گھر اٹھا کر لے گیا

— امیر امام