ایسا لگتا ہے دبے پاؤں قضا آتی ہےجب کبھی دل کے دھڑکنے کی صدا آتی ہے
دم ہی گھٹ جائے مری ذات کے زنداں میں مرابس تری یاد کے روزن سے ہوا آتی ہے
دھوپ سے شام کی دیوار بنا لیتا ہوںرات ہر روز وہ دیوار گرا آتی ہے
اب کئی دن نہیں آتی تری خوشبو مجھ سےاور جب آتی ہے تو حد سے سوا آتی ہے
آسماں اوڑھوں تو کچھ بات بنے گی شایدورنہ اس تن پہ کہاں کوئی قبا آتی ہے
دل کی تنہائی کا کیا حال بیاں ہو تم سےاتنی تنہائی کہ خوشبوئے خدا آتی ہے
— امیر امام
Aisa lagta hai dabe paon qaza aati haiJab kabhi dil ke dhadakne ki sada aati hai
Dam hi ghut jaye meri zaat ke zindan mein meraBas teri yaad ke rozan se hawa aati hai
Dhoop se shaam ki deewar bana leta hoonRaat har roz woh deewar gira aati hai
Ab kayi din nahin aati teri khushboo mujh seAur jab aati hai toh had se siwa aati hai
Aasman odhoon toh kuch baat banegi shayadVarna is tan pe kahan koi qaba aati hai
Dil ki tanhai ka kya haal bayan ho tum seItni tanhai ke khushboo-e-Khuda aati hai