بہت مخمور ہوتا جا رہا ہوںمیں اب بھرپور ہوتا جا رہا ہوں
میں چکنا چور ہو پایا نہ اب تکمیں چکنا چور ہوتا جا رہا ہوں
کہا اک زخم نے یہ مسکرا کرمیں اب ناسور ہوتا جا رہا ہوں
اٹھا دو آج پھر محفل سے اپنیبہت مغرور ہوتا جا رہا ہوں
قریب آیا ہوں اتنا عرض کرنےمیں تم سے دور ہوتا جا رہا ہوں
مری مٹی کو شکوہ ہے یہ مجھ سےسراپا نور ہوتا جا رہا ہوں
مرے خوابوں پہ گھوڑے دوڑتے ہیںشب عاشور ہوتا جا رہا ہوں
— امیر امام
Bahut makhmoor hota jaa raha hoonMaiñ ab bharpoor hota jaa raha hoon
Maiñ chikna choor ho paaya na ab takMaiñ chikna choor hota jaa raha hoon
Kaha ek zakhm ne yeh muskura karMaiñ ab naasoor hota jaa raha hoon
Uṭha do aaj phir mehfil se apniBahut maghroor hota jaa raha hoon
Qareeb aaya hoon itna arz karneMaiñ tum se door hota jaa raha hoon
Meri miṭṭi ko shikwa hai yeh mujh seSarapa noor hota jaa raha hoon
Mere khwaboñ pe ghoṛe dauṛte hainShab-e-Aashoor hota jaa raha hoon