چاند سورج سے پرے اور کہیں چاہتے ہیں – امیر امام

چاند سورج سے پرے اور کہیں چاہتے ہیںآسماں جس پہ نہ ہو ایسی زمیں چاہتے ہیں

جس قدر دور ہے کچھ اور زیادہ اس سےاب سمجھ لو کہ اسے کتنا قریں چاہتے ہیں

اک تصور ہے کہ تجھ سے بھی مشابہ ہے بہتہم اسے چاہتے ہیں تجھ کو نہیں چاہتے ہیں

ہم زمیں کے ہیں کسی عرش معلیٰ کے نہیںاے خدا فیصلہ ہم لوگ یہیں چاہتے ہیں

وہ ہمیں اور جنوں اور جنوں چاہتا ہےہم اسے اور حسیں اور حسیں چاہتے ہیں

عشق ہوتا ہے گماں اس کو گماں ہونا تھاہے کمی اپنی کہ ہم اس کو یقیں چاہتے ہیں

— امیر امام