ایک بے رنگ نظارہ بھی تو جا سکتا تھا – امیر امام

ایک بے رنگ نظارہ بھی تو جا سکتا تھامیں ان آنکھوں میں اتارا بھی تو جا سکتا تھا

مجھ سے شکوہ کہ پلٹ کر نہیں دیکھا میں نےمجھے اک بار پکارا بھی تو جا سکتا تھا

چلو دنیا کے سبب بات نہیں تھی ممکنآنکھوں آنکھوں میں اشارہ بھی تو جا سکتا تھا

بکھرے بالوں پہ مرے طنز سے ہنسنے والےمیرے بالوں کو سنوارا بھی تو جا سکتا تھا

کیا ضروری ہے کہ ہر کھیل سدا تم جیتوزندگی میں کبھی ہارا بھی تو جا سکتا تھا

بڑے ظالم ہو جدائی کی سزا دی مجھ کوجان جاں جان سے مارا بھی تو جا سکتا تھا

اب سلگتی ہے ہتھیلی تو خیال آتا ہےوہ بدن صرف نہارا بھی تو جا سکتا تھا

— امیر امام