حق طلب کرتے ہوئے لوگوں کو فریادی کہیں – امیر امام

حق طلب کرتے ہوئے لوگوں کو فریادی کہیںگر یہ آزادی ہے کیسے اس کو آزادی کہیں

چاند کو شب زاد کہہ دینے سے کب پوری ہوئیبات پوری ہو جو ان صبحوں کو شب زادی کہیں

کتنے دھوکے باز ہیں لفظ و بیاں کے سلسلےاپنی قبریں ڈھونڈتی لاشوں کو آبادی کہیں

دودھ کی نہریں بنانا اپنے اپنے گھر تلکاور ستم یہ بھی کہ اس جذبہ کو فرہادی کہیں

آندھیوں سے لڑ رہے ہیں جنگ کچھ کاغذ کے لوگہم پہ لازم ہے کہ ان لوگوں کو فولادی کہیں

صرف حسن و عشق کے دم سے یہ باقی ہے ابھیآئیے دنیا کو حسن و عشق کی وادی کہیں

— امیر امام