ہم بے وفا ہیں تم ہو وفادار خوش رہو – امیر امام

ہم بے وفا ہیں تم ہو وفادار خوش رہوسرکار خوش رہو مری سرکار خوش رہو

لے جاؤ اپنی زلف کے سائے سمیٹ کرہم کو بہت ہے سایۂ دیوار خوش رہو

ہونے پہ اپنے آپ کے اصرار کب کیاہونے سے خود ہمیں بھی ہے انکار خوش رہو

ہم تو فقط ہیں بھیڑ بڑھانے کے واسطےتم ہو بنائے رونق بازار خوش رہو

تم خوش رہو کہ اب کوئی خطرہ نہیں تمہیںہم ہو چکے ہیں خود میں گرفتار خوش رہو

تم عورتوں پہ ہم نے ہمیشہ ستم کئےہم مرد ہیں سدا کے جفا کار خوش رہو

بے وجہ غم کا ڈھونگ رچانے سے فائدہیوں بھی ہیں سب تمہارے پرستار خوش رہو

انساں بھی ہم خراب ہیں شاعر بھی ہیں خراببے کار یہ غزل ہے یہ اشعار خوش رہو

— امیر امام