ان کو خلا میں کوئی نظر آنا چاہیے – امیر امام

ان کو خلا میں کوئی نظر آنا چاہیےآنکھوں کو ٹوٹے خواب کا ہرجانہ چاہیے

وہ کام رہ کے شہر میں کرنا پڑا ہمیںمجنوں کو جس کے واسطے ویرانہ چاہیے

ہے ہجر تو کباب نہ کھانے سے کیا حصولگر عشق ہے تو کیا ہمیں مر جانا چاہیے

اس زخم دل پہ آج بھی سرخی کو دیکھ کراترا رہے ہیں ہم ہمیں اترانا چاہیے

دانائیاں بھی خوب ہیں لیکن اگر ملےدھوکہ حسین سا تو اسے کھانا چاہیے

تنہائیوں پہ اپنی نظر کر ذرا کبھیاے بےوقوف دل تجھے گھبرانا چاہیے

اس شاعری میں کچھ نہیں نقاد کے لئےدل دار چاہیے کوئی دیوانہ چاہیے

— امیر امام