جو ڈوبا تھا وہی سورج ابھرنے کے لئے ہے – امیر امام

جو ڈوبا تھا وہی سورج ابھرنے کے لئے ہےیہ دنیا ہر قدم حیران کرنے کے لئے ہے

اگر ہے شوق اڑنے کا تو جاؤ آسماں میںزمیں والو زمیں تو پاؤں دھرنے کے لئے ہے

حفاظت کرتے کرتے شاخ سے گر جائے ہر گلمگر خوشبو ہواؤں میں بکھرنے کے لئے ہے

یہ جو اک رنگ باقی ہے مری آنکھوں میں اب تکنہ جانے کون سے خوابوں میں بھرنے کے لئے ہے

مری تنہائی میں آؤ اور اپنے عکس دیکھویہ آئینہ تمہارے ہی سنورنے کے لئے ہے

کبھی منزل ہوا کرتا تھا روز اک راستے کیجو دل اب راستہ ہے اور گزرنے کے لئے ہے

— امیر امام