خود کو ہر آرزو کے اس پار کر لیا ہے – امیر امام

خود کو ہر آرزو کے اس پار کر لیا ہےہم نے اب اس کا سایہ دیوار کر لیا ہے

جاتی تھی میرے دل سے جو تیرے آستاں تکدنیا نے اس گلی میں بازار کر لیا ہے

دے داد آ کے باہر شہ رگ سے خوں ہمارااس نے جو اپنا چہرہ گلنار کر لیا ہے

بس چشم خوں فشاں کو ملتے نہیں ہیں آنسوورنہ ترا مرکب تیار کر لیا ہے

ہے وجہ کج کلاہی طوق گلو ہمارازنجیر پا کو اپنی تلوار کر لیا ہے

محسوس کر رہا ہوں خاروں میں قید خوشبوآنکھوں کو تیری جانب اک بار کر لیا ہے

اس بار وہ بھی ہم سے انکار کر نہ پایاہم نے بھی اب کی اس سے اقرار کر لیا ہے

— امیر امام