مستقبلوں کی گزرے زمانوں کی زد پہ ہوںمیں اس جہاں میں کتنے جہانوں کی زد پہ ہوں
ہوں ایسا عکس جس کے کئی اور عکس ہیںمیں بے شمار آئنہ خانوں کی زد پہ ہوں
منظر ہوئے تمام تو سنتا ہوں آہٹیںآنکھوں کی زد سے نکلا تو کانوں کی زد پہ ہوں
واقع کہیں ہوں ہونے نہ ہونے کے درمیاںمیں اپنے بے نشان نشانوں کی زد پہ ہوں
مجھ کو مرے یقین پہ کتنا یقین ہےاتنا یقین ہے کہ گمانوں کی زد پہ ہوں
ترکش بھی میرا تیر بھی میرے ہدف بھی میںاپنے خلاف اپنی کمانوں کی زد پہ ہوں
— امیر امام
Mustaqbilon ki guzre zamanon ki zad pe hoonMain is jahan mein kitne jahanon ki zad pe hoon
Hoon aisa aks jis ke kai aur aks hainMain be shumar aaina-khanoon ki zad pe hoon
Manzar hue tamam to sunta hoon aahatenAankhon ki zad se nikla to kaanon ki zad pe hoon
Waqay kahin hoon hone na hone ke darmiyanMain apne be nishan nishano ki zad pe hoon
Mujh ko mere yaqeen pe kitna yaqeen haiItna yaqeen hai ke gumanon ki zad pe hoon
Tarkash bhi mera teer bhi mere hadaf bhi mainApne khilaf apni kamanon ki zad pe hoon