روداد جاں کہیں جو ذرا دم ملے ہمیں – امیر امام

روداد جاں کہیں جو ذرا دم ملے ہمیںاس دل کے راستے میں کئی خم ملے ہمیں

لبیک پہلے ہم نے کہا تھا رسول‌ حسنہو کارزار عشق تو پرچم ملے ہمیں

آئے اک ایسا زخم جو بھرنا نہ ہو کبھییعنی ہر ایک زخم کا مرہم ملے ہمیں

دن میں جہاں سراب ملے تھے ہمیں وہاںآئی جو رات قطرۂ شبنم ملے ہمیں

تم جیسے اور لوگ بھی ہوں گے جہان میںیہ بات اور ہے کہ بہت کم ملے ہمیں

جب ساتھ تھے تو مل کے بھی ملنا نہ ہو سکاجب سے بچھڑ گئے ہو تو پیہم ملے ہمیں

اور پھر ہمیں بھی خود پہ بہت پیار آ گیااس کی طرف کھڑے ہوئے جب ہم ملے ہمیں

جو عمر بھر کا ساتھ نبھاتا نہ مل سکاویسے تو زندگی میں بہت غم ملے ہمیں

— امیر امام