زمیں کے سارے مناظر سے کٹ کے سوتا ہوںمیں آسماں کے سفر سے پلٹ کے سوتا ہوں
میں جمع کرتا ہوں شب کے سیاہی قطروں کوبہ وقت صبح پھر ان کو پلٹ کے سوتا ہوں
تلاش دھوپ میں کرتا ہوں سارا دن خود کوتمام رات ستاروں میں بٹ کے سوتا ہوں
کہاں سکوں کہ شب و روز گھومنا اس کاذرا زمین کے محور سے ہٹ کے سوتا ہوں
ترے بدن کی خلاؤں میں آنکھ کھلتی ہےہوا کے جسم سے جب جب لپٹ کے سوتا ہوں
میں جاگ جاگ کے راتیں گزارنے والااک ایسی رات بھی آتی ہے ڈٹ کے سوتا ہوں
— امیر امام
Zameen ke saare manazir se kat ke sota hoonMain aasmaan ke safar se palat ke sota hoon
Main jama karta hoon shab ke siyahi qatron koBa waqt-e-subah phir un ko palat ke sota hoon
Talaash dhoop mein karta hoon saara din khud koTamaam raat sitaron mein bat ke sota hoon
Kahan sukoon ke shab-o-roz ghoomna us kaZara zameen ke mehwar se hat ke sota hoon
Tere badan ki khalaon mein aankh khulti haiHawa ke jism se jab jab lipat ke sota hoon
Main jaag jaag ke raatein guzarne walaIk aisi raat bhi aati hai dat ke sota hoon