جو میرا ہوش کا عالم ہے بے خودی تو نہیں – عرش ملسیانی

جو میرا ہوش کا عالم ہے بے خودی تو نہیںمیں جس کو اپنا سمجھتا ہوں اجنبی تو نہیں

خدا گری کا یہ ماہر کچھ اور ہی شے ہےتم آدمی جسے کہتے ہو آدمی تو نہیں

یہ اور بات ہے محروم التفات ہوں میںترے کرم کے خزانے میں کچھ کمی تو نہیں

ثبوت ملتا ہے اس سے کسی تعلق کاکمال برہمیٔ دوست دشمنی تو نہیں

نگاہ و دل میں بھی لازم ہے اک مروت و کیفنمود عارض و گیسو ہی دلبری تو نہیں

نزول برق ہے شاید یہ آشیانوں پرتو روشنی جسے سمجھا ہے روشنی تو نہیں

تمہارے چہرے پہ آثار ہیں خوشی کے مگرجو میرے چہرے سے ظاہر ہے وہ خوشی تو نہیں

پئے شراب عبادت گزار ہوئے اے شیخمگر حضور یہ شایان بندگی تو نہیں

نہ جانے کیوں مرے دل کو یقیں نہیں آتاجو تو نے جلوہ دکھایا ہے عارضی تو نہیں

سنا ہے توبہ سے ہوتا ہے تازہ تر ایماںہزار شکر کہ یہ عارضہ ابھی تو نہیں

تباہیوں کے لئے مستعد ہیں اہل جہاںیہ آگہی کہیں توہین آگہی تو نہیں

بس ایک مرگ مسلسل بس ایک رنج دوامکچھ اور شے ہے یہ اے عرشؔ زندگی تو نہیں

— عرش ملسیانی

کس نے پڑھا

یہ کلام محفلوں میں