کسی نغمے میں ہے وہ اور نہ کسی ساز میں ہے – عرش ملسیانی

کسی نغمے میں ہے وہ اور نہ کسی ساز میں ہےرس بھری نرم سی لے جو تری آواز میں ہے

گوش مشتاق کی خود ساختہ تفریق ہے یہورنہ جو ساز ہے باہر ہے وہی ساز میں ہے

لے نہ ڈوبے کہیں خوش فہمیٔ ادراک تجھےنا خدائی تری پوشیدہ اسی راز میں ہے

آپ ہی زندہ کریں مردہ تمناؤں کوقم بہ اذنی کا اثر آپ کی آواز میں ہے

ہم صفیروں کی صداؤں کا اثر ہے شایدہر گرفتار قفس کوشش پرواز میں ہے

کیوں کریں غیر سے ہم عرض نیاز الفتجس کے طالب ہیں ابھی جلوہ گاہ ناز میں ہے

عرشؔ تک دیکھیے پہنچے کہ نہ پہنچے کوئیآہ کے ساتھ دعا بھی مری پرواز میں ہے

— عرش ملسیانی

کس نے پڑھا

یہ کلام محفلوں میں