پان کھا کر سرمہ کی تحریر پھر کھینچی تو کیاجب مرا خوں ہو چکا شمشیر پھر کھینچی تو کیا
اے مہوس جب کہ زر تیرے نصیبوں میں نہیںتو نے محنت بھی پئے اکسیر پھر کھینچی تو کیا
گر کھنچے سینہ سے ناوک روح تو قالب سے کھینچاے اجل جب کھنچ گیا وہ تیر پھر کھینچی تو کیا
کھینچتا تھا پاؤں میرا پہلے ہی زنجیر سےاے جنوں تو نے مری زنجیر پھر کھینچی تو کیا
دار ہی پر اس نے کھینچا جب سر بازار عشقلاش بھی میری پئے تشہیر پھر کھینچی تو کیا
کھینچ اب نالہ کوئی ایسا کہ ہو اس کو اثرتو نے اے دل آہ پر تاثیر پھر کھینچی تو کیا
چاہیئے اس کا تصور ہی سے نقشہ کھینچنادیکھ کر تصویر کو تصویر پھر کھینچی تو کیا
کھینچ لے اول ہی سے دل کی عنان اختیارتو نے گر اے عاشق دلگیر پھر کھینچی تو کیا
کیا ہوا آگے اٹھائے گر ظفرؔ احسان عقلاور اگر اب منت تدبیر پھر کھینچی تو کیا
— بہادرشاہ ظفر
Paan kha kar surma ki tehreer phir khenchi to kyaJab mera khoon ho chuka shamshir phir khenchi to kya
Aye mahwus jab ke zar tere naseebon mein nahinTo ne mehnat bhi paye ikseer phir khenchi to kya
Gar khinche seena se nawak-e-rooh to qaalib se kheenchAye ajal jab khinch gaya woh teer phir khenchi to kya
Kheenchte the paon mera pehle hi zanjeer seAye junoon to ne meri zanjeer phir khenchi to kya
Dar hi par us ne khencha jab sar-e-bazar-e-ishqLaash bhi meri paye tashheer phir khenchi to kya
Kheench ab nala koi aisa ke ho is ko asarTo ne aye dil aah-e-pur-taseer phir khenchi to kya
Chahiye is ka tasawwur hi se naqsha khenchnaDekh kar tasveer ko tasveer phir khenchi to kya
Kheench le awwal hi se dil ki inan-e-ikhtiyarTo ne gar aye ashiq-e-dilgeer phir khenchi to kya
Kya hua aage uthaye gar Zafar! ehsan-e-aqlAur agar ab minnat-e-tadbeer phir khenchi to kya