ان کو بت سمجھا تھا یا ان کو خدا سمجھا تھا میںہاں بتا دے اے جبین شوق کیا سمجھا تھا میں
اللہ اللہ کیا عنایت کر گئی مضراب عشقورنہ ساز زندگی کو بے صدا سمجھا تھا میں
ان سے شکوہ کیوں کروں ان سے شکایت کیا کروںخود بڑی مشکل سے اپنا مدعا سمجھا تھا میں
میری حالت دیکھیے میرا تڑپنا دیکھیےآپ کو اس سے غرض کیا ہے کہ کیا سمجھا تھا میں
کھل گیا یہ راز ان آنکھوں کے اشک ناز سےکیفیات حسن کو غم سے جدا سمجھا تھا میں
اے جبین شوق ہاں تجھ کو بڑی زحمت ہوئیآج ہر ذرہ کو ان کا نقش پا سمجھا تھا میں
اک نظر پر منحصر تھی زیست کی کل کائناتہر نظر کو جان جان مدعا سمجھا تھا میں
آ رہا ہے کیوں کسی کا نام ہونٹوں تک مرےاے دل مضطر تجھے صبر آزما سمجھا تھا میں
آپ تو ہر ہر قدم پر ہو رہے ہیں جلوہ گرآپ کو حد نظر سے ماورا سمجھا تھا میں
یہ فغاں یہ شور یہ نالے یہ شیون تھے فضولکیا بتاتی تھی محبت اور کیا سمجھا تھا میں
اس نگاہ ناز نے بہزادؔ مجھ کو کھو دیاجس نگاہ ناز کو اپنی دوا سمجھا تھا میں
— بہزاد لکھنوی
Unko but samjha tha ya unko Khuda samjha tha mainHaan bata de ae jabeen-e-shauq kya samjha tha main
Allah Allah kya inayat kar gayi mizrab-e-ishqWarna saaz-e-zindagi ko be-sada samjha tha main
Un se shikwa kyoun karoon un se shikayat kya karoonKhud badi mushkil se apna muddaa samjha tha main
Meri haalat dekhiye mera tadapna dekhiyeAap ko is se gharaz kya hai ke kya samjha tha main
Khul gaya ye raaz un aankhon ke ashk-e-naaz seKaifiyat-e-husn ko gham se juda samjha tha main
Ae jabeen-e-shauq haan tujhko badi zehmat huiAaj har zarra ko unka naqsh-e-pa samjha tha main
Ek nazar par munhasir thi zeest ki kul kainatHar nazar ko jaan-e-jaan muddaa samjha tha main
Aa raha hai kyoun kisi ka naam honton tak mereAe dil-e-muztar tujhe sabr-azma samjha tha main
Aap to har har qadam par ho rahe hain jalwa-garAap ko hadd-e-nazar se maawara samjha tha main
Ye fughan ye shor ye naale ye shivan the fuzoolKya batati thi mohabbat aur kya samjha tha main
Is nigah-e-naaz ne Behzad mujhko kho diyaJis nigah-e-naaz ko apni dawa samjha tha main