ہم نے تو بے شمار بہانے بنائے ہیںکہتا ہے دل کہ بت بھی خدا نے بنائے ہیں
لے لے کے تیرا نام ان آنکھوں نے رات بھرتسبیح انتظار کے دانے بنائے ہیں
ہم نے تمہارے غم کو حقیقت بنا دیاتم نے ہمارے غم کے فسانے بنائے ہیں
وہ لوگ مطمئن ہیں کہ پتھر ہیں ان کے پاسہم خوش کہ ہم نے آئینہ خانے بنائے ہیں
بھونرے انہی پہ چل کے کریں گے طواف گلجو دائرے چمن میں صبا نے بنائے ہیں
ہم تو وہاں پہنچ نہیں سکتے تمام عمرآنکھوں نے اتنی دور ٹھکانے بنائے ہیں
آج اس بدن پہ بھی نظر آئے طلب کے داغدیوار پر بھی نقش وفا نے بنائے ہیں
— غلام محمد قاصر
Hum ne to be-shumar bahane banaye hainKehta hai dil ke but bhi khuda ne banaye hain
Le le ke tera naam in aankhon ne raat bharTasbeeh-e-intezar ke daane banaye hain
Hum ne tumhare gham ko haqeeqat bana diyaTum ne hamare gham ke fasane banaye hain
Woh log mutma'in hain ke patthar hain un ke pasHum khush ke hum ne aaina-khane banaye hain
Bhaunre inhi pe chal ke karenge tawaf-e-gulJo daire chaman mein saba ne banaye hain
Hum to wahan pahunch nahin sakte tamam umrAankhon ne itni door thikane banaye hain
Aaj is badan pe bhi nazar aaye talab ke daghDiwar par bhi naqsh-e-wafa ne banaye hain