داد بھی فتنۂ بیداد بھی قاتل کی طرفبے گناہی کے سوا کون تھا بسمل کی طرف
منزلیں راہ میں تھیں نقش قدم کی صورتہم نے مڑ کر بھی نہ دیکھا کسی منزل کی طرف
مقتل ناز سے گزرے تو گزرنے والےپھول کچھ پھینک گئے دامن قاتل کی طرف
جھلملاتے نہیں بے وجہ تو محفل کے چراغاک نظر دیکھ تو لو صاحب محفل کی طرف
کتنی بے کیف ہیں ساحل کی فضائیں یا ربکوئی طوفان کا رخ موڑ دے ساحل کی طرف
یاد آتا ہے وہ انداز تجاہل اے دوستبات اوروں سے مگر روئے سخن دل کی طرف
ذکر آیا تھا حیات ابدی کا تاباںؔلوگ کیوں تکنے لگے کوچۂ قاتل کی طرف
— غلام ربانی تاباں
dad bhi fitna bedad bhi qatil ki tarafbe-gunahi ke siwa kaun tha bismil ki taraf
manzilen rah mein thin naqsh-e-qadam ki surathum ne muD kar bhi na dekha kisi manzil ki taraf
maqtal-e-naz se guzre to guzarne walephool kuchh phenk gaye daman-e-qatil ki taraf
jhilmilate nahin be-wajh to mahfil ke chiraghek nazar dekh to lo sahib-e-mahfil ki taraf
kitni be-kaif hain sahil ki fazayen ya rabkoi tufan ka rukh moD de sahil ki taraf
yad aata hai wo andaz-e-tajahul ae dostbat auron se magar ruy-e-sukhan dil ki taraf
zikr aaya tha hayat-e-abadi ka Tabanlog kyon takne lage kuch-e-qatil ki taraf